| e-texts navigator |
| Wylie |
18b1 འབྲས་བུ་གཞི་ལ་གཅིག། དུས་གསུམ་རྒྱལ་བའི་ཡོན་ཏན་མ་ལུས་པ།། རྣལ་འབྱོར་དམ་པ་དེ་ལ་ཚང་ཞིང་རྫོགས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ངེས་པ་དོན་གྱི་ལྟ་བའི་གདེང
18b2 ཉམས་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་ཀུན་རིག་སེམས་ཀྱི་རྒྱལ་པོ་ཡིས།། དོན་གྱི་རྟགས་ཆེན་འཁོར་ལ་བཀའ་སྩལ་པ།། རྨི་ལམ་བག་ཆགས་བྱང་རྟགས་འབྱུང་བ་དང་།། ས་ཐོབ་ལྟས་དང་ས
18b3 ནོན་ལྟས་རྣམས་དང་།། ནང་རྟགས་ཀློང་གསུམ་ལྡན་པའི་ཡོན་ཏན་དང་།། འབྲས་བུ་ད་ལྟ་ཉིད་གྲུབ་ངེས་པར་གསུངས།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། དེ་དོན་ངེས་རྙེད་ཉམས་ནི་གསལ་བ་ལ།། རྨི
18b4 ལམ་བག་ཆགས་དག་རྟགས་འབྱུང་བ་ནི།། རྟག་ཏུ་གཅེར་བུར་ཕྱུང་དང་མེ་དཔུང་བསྲེག། ཆུ་བོའི་ཕ་རོལ་ཆོད་པར་རྐྱལ་བ་དང་།། བུམ་ཆུས་སྤྱི་ནས་དག་པར་འཁྲུ་འདོད་དང་།། ནམ་མཁའ་དག་ལ་འཕུར་དང་སྐྱིལ
18b5 ཀྲུཀླུང་འཆའ།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། རྣལ་འབྱོར་དམ་པས་ས་ཐོབ་འབྱུང་བ་ཡང་།། ལྗོན་ཤིང་འཛེགས་དང་མཆོད་རྟེན་ཁར་བྱེད་དང་།། ཁམས་གསུམ་དུས་གཅིག་མཐོང་འགྱུར་མ་ཞེན
18b6 འབྱུང་།། ཏིང་ངེ་འཛིན་གྱིས་ས་ནི་ངེས་པར་ནོན།། དེ་རྟོགས་ལྟས་ནི་འབྱུང་བར་གསུངས་པ་ནི།། ནམ་མཁར་སེང་གེ་ཞོན་འགྲོ་ཉམ་ང་མེད།། དཔུང་པ་གཡས་གཡོན་ཉི་ཟླ་འཆར་བ་དང་།། རི་རབ་ཁར་ཁྱེར་མཁའ
iiif viewer powered by OpenSeadragon
