| e-texts navigator |
| Wylie |
189b1 རབས་བསྟན་པའི་ཐ་མ་ལ།། འབྲས་བུའི་བསྟན་པ་དར་བའི་ཚེ།། སེམས་ཉིད་དགུ་རྩེ་སྤྱི་ཏི་འབྱུང་།། དེ་འཛིན་བླ་མའི་མཚན་ཉིད་ནི།། མི་མཇེད་འཛམ་གླིང་ས་ཕྱོགས་སུ།། རྣལ་འབྱོར་གཙང་མའི་ལུས་བླངས
189b2 ལ།། རིགས་བཟང་རྒྱུད་དུལ་དད་རྩོན་ལྡན།། ཤེས་རབ་སྙིང་རྗེས་འགྲོ་དོན་བྱེད།། རྒྱུ་འབྲས་ཐེག་པའི་ཐོས་བསམ་རྫོགས།། སྤྱོད་པ་དབང་དང་བལྟ་བར་ལྡན།། རྒྱུད་ལུང་མན་ངག་ཀུན་ལ་མཁས།། བློ་ལྡན་ངེས
189b3 དོན་ཐུགས་སུ་ཆུད།། ཐབས་མཁས་རིན་ཆེན་ལྟ་བུ་ཡིས།། བླ་མས་དགུ་རྩེ་སྟོན་པར་འགྱུར།། དེ་ལ་ཕྱི་རབས་སྐལ་ལྡན་གྱིས།། དད་བརྩོན་གུས་པས་བསྟན་པར་གྱིས།། དེ་ལྟར་མི་ལྡན་སློབ་དཔོན་ནི།། རྒྱུད་ངན་མ
189b4 སྦྱངས་མུ་ཅོར་སྨྲ།། བློ་དམན་དམ་མེད་དོན་མ་རྟོགས།། དུག་ལྔ་ཤས་ཆེ་འཇིག་རྟེན་སྒྲུབ།། སྙིང་རྗེ་ཤེས་རབ་ཐབས་དང་བྲལ།། ཚད་མར་མ་གྱུར་སྤྲེའུ་འདྲ།། མ་རིག་ལོང་བ་ལྟ་བུ་ལ།། བསྟན་པའི་ལམ་ནོར་ལོག
189b5 པར་འཁྲིད།། རྟོག་ཆོས་ཞེན་པའི་དུག་གིས་འཛིན།། འཁོར་བའི་རྒྱ་མཚོར་བསྒྱུར་བ་ཡི།། བདུད་དེ་ལེགས་པར་བརྟགས་ཏེ་སྤངས།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཟིགས་སངས་རྒྱས་ཐམས་ཅད་ཀྱི
189b6 དགོངས་པ་འདུས་པའི་རྒྱུད་ལས། བཅུད་ཀྱི་མཚན་ཉིད་བསྟན་པའི་ལེའུ་སྟེ་གཉིས་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན་པ་ལ་ཞུས་པ།། དགུ་རྩེ་ངེས་དོན་སྤྱི་ཏི་འདི།། ནམ་ཞིག་དར
iiif viewer powered by OpenSeadragon
