| e-texts navigator |
| Wylie |
189a1 འདོད་ཡོན་ལྔ་དང་། ཕུང་པོ་ལྔ་དང་། ཡེ་ཤེས་ལྔ་དང་། དུག་ལྔ་དང་། སྐུ་ལྔ་དང་བཅས་ཏེ་འདུ་འབྲལ་མེད་པར་འཁོད་དོ།། དུས་ནི་འདི་ལྟ་སྟེ། འདས་མ་འོངས་ད་ལྟ་དུས་གསུམ་དུ་དབྱེར་མེད་པའི་ཚེ།།
189a2 བསྟན་པའི་རྒྱལ་པོ་སེམས་ཉིད་རྣལ་མ་སྐྱེ་མེད་ཀ་དག་བདུད་རྩི་བཅུད་ཐིགས་འདི་སྐད་དོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། གླེང་གཞི་ཡོངས་སུ
189a3 བཀོད་པའི་ལེའུ་སྟེ་དང་པོའོ།། །། དེ་ནས་འཁོར་གྱི་ནང་ནས་ཀུན་རིག་ཁྱེའུ་ཆུང་རང་བྱུང་གི་རྩལ་དུ་ལངས་ཏེ་སྟོན་པ་གསང་བདག་ཆེན་པོ་ལ་ཞུས་པ། ཨེ་མ་སྟོན་པ་གསང་བའི་བདག། དགུ་རྩེ་སེམས་ཉིད་སྤྱི
189a4 ཏི་འདིར།། ཀ་དག་ཕྱོགས་བྲལ་ཆེན་པོ་ལ།། མཚོན་བྱ་མཚོན་བྱེད་མ་གྲུབ་ན།། ཕྱི་རབས་བསྟན་པའི་ཐ་མ་ལ།། བློ་འདས་མཚོན་པར་བྱེད་པ་ཡི།། བརྡའ་དོན་སྟོན་བྱེད་དགོས་མི་དགོས།། དགོས་ན་བླ་མའི་མཚན
189a5 ཉིད་གང་།། དེ་མེད་ཇི་ལྟར་རྟོགས་པར་འགྱུར།། ཞེས་ཞུས་པ་དང་། དེ་ནས་སྟོན་པ་གསང་བའི་བདག་པོ་དེ་ཕྱོགས་མེད་ཡོངས་རྫོགས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ལས་བཞེངས་ནས་བཀའ་སྩལ
189a6 པ།། ང་ཡི་བླ་མེད་སྤྱི་ཏི་ལ།། མཚོན་བྱ་མཚོན་བྱེད་ཀ་དག་ཀྱང་།། མ་མཚོན་གོ་བར་མི་འགྱུར་བས།། མཚོན་བྱེད་ཕྱི་ཡི་བླ་མ་དགོས།། དེ་ཡི་མཚན་ཉིད་ངས་བཤད་ཀྱིས།། ཀུན་རིག་ཁྱེའུ་ཆུང་གུས་པས་ཉོན།། ཕྱི
iiif viewer powered by OpenSeadragon
