| e-texts navigator |
| Wylie |
188b1 ཏིཏེ་ཡོ་གའི་རྒྱུད་ཆེན་ཞེས་ཀྱང་བྱ།། ཐེག་པ་ཐམས་ཅད་ཉག་གཅིག་ཕྱིར།། ཉག་གཅིག་ཆེན་པོའི་རྒྱུད་ནི་ཞེས་ཀྱང་བྱ།། ལྷ་སྒོམ་སྤྱོད་པ་ལ་བཟླའི་ཕྱིར།། ལ་ཟློ་ཆེན་པོའི་རྒྱུད་ཆེན་ཞེས་ཀྱང་བྱ།། ཐམས་ཅད་སྤྲོས་པ
188b2 ཡོངས་སུ་གཅད་པའི་ཕྱིར།། སྤྲོད་པ་གཅོད་པའི་སྡེ་ལྔ་ཞེས་ཀྱང་བྱ། མཚན་གྱི་རྣམ་གྲངས་བསྟན་པའི་ལེའུ་སྟེ་བཅུ་བཞི་པའོ།། །། སྤྲོས་པ་གཅོད་པ་སྡེ་ལྔ་ཞེས་བྱ་བའི་རྒྱུད་རྫོགས་སོ།། །། རྒྱ་གར
188b3 གྱི་སློབ་དཔོན་གུ་རུ་པདྨ་སམ་བྷ་ཝ་དང་བོད་ཀྱི་ལོ་ཙཱ་བ་ཆེན་པོ་སྐ་བ་དཔལ་བརྩེགས་ཀྱིས་བསྒྱུར་ཅིང་གཏན་ལ་ཕབ་པའོ།། སྲོག་དང་བྲལ་བའི་ཁ་བཞིན་བསྡོམ།། སྤེལ་བའི་གནས་མེད་གཏེར་དུ་སྤོས།། །།
188b4 རྒྱ་གར་སྐད་དུ། རཏྣ་ཨ་མྲྀ་ཏ་ར་ས་བིནྡུ་ཏནྟྲ་ནཱ་མ། བོད་སྐད་དུ། རིན་པོ་ཆེ་བདུད་རྩི་བཅུད་ཐིགས་ཀྱི་རྒྱུད་ཅེས་བྱ་བ་བཅོམ་ལྡན་འདས་གསང་བདག་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས
188b5 རྟོགས་པའི་དུས་གཅིག་ན། འོག་མིན་གྱི་གནས་སེམས་ཉིད་གདལ་བ་ཆེན་པོ། མ་བྲིས་པའི་དཀྱིལ་འཁོར་འོད་ཁ་དོག་སྣ་ཚོགས་འབར་བར་རང་བྱུང་བ། མ་བརྩིགས་པའི་གཞལ་ཡས་ཁང་ཡེ་ཤེས་ཀྱི་འོད་ཟེར་རྣམ
188b6 ལྔ་འཕྲོ་བ། ཆོས་དབྱིངས་གཡོ་མེད་མཁའ་གསལ་དངས་པའི་གཞལ་ཡས་ཁང་དེ་ན། སྟོན་པའི་རྒྱལ་པོ་རང་བྱུང་གི་ཡེ་ཤེས་གསང་བདག་ཆེན་པོ་བཞུགས་སོ།། འཁོར་གྱི་ཚོགས་ནི་འདི་ལྟ་སྟེ། འབྱུང་བ་ལྔ་དང་།
iiif viewer powered by OpenSeadragon
