| e-texts navigator |
| Wylie |
188a1 ནི།། མན་ངག་འབྲས་བུ་ཡིན་པར་བཤད།། མཐའ་དབུས་མེད་པའི་ཀློང་ཆེན་པོ།། རྒྱ་ཆད་མེད་པའི་མན་ངག་བསྡུས།། ཆོས་ཀྱི་དབྱིངས་སུ་རང་བཞིན་ཐིམ།། སྙིང་པོ་དོན་གྱི་ཀློང་དཀྱིལ་དུ།། མཚན
188a2 མེད་བརྗོད་ལས་འདས་པའི་མན་ངག་ཐིམ།། གཞི་ཡི་རང་བཞིན་ཡོད་མེད་མཉམ་པའི་ངང་།། སྣང་སྲིད་འཁོར་འདས་ཐམས་ཅད་དེ་ལས་བྱུང་།། བྱུང་ཡང་སྣ་ཚོགས་གཞི་ཡི་ངང་དུ་ཐིམ།། མན་ངག་བརྒྱད་ཁྲི་བཞི
188a3 སྟོང་ཡང་།། ཞེན་འཛིན་མེད་པའི་ཀློང་དུ་སྤྲོས་པ་ཆོད།། སྤྲོས་པ་གཅོད་པ་སྡེ་ལྔ་ཞེས་ནི་དེ་ལ་གདགས།། སྤྲོད་པ་གཅོད་པའི་སྡེ་ལྔ་ལས།། མན་ངག་སྤྲོས་པ་གཅོད་པའི་ལེའུ་སྟེ་བཅུ་གསུམ་པའོ།། །། འཁོར
188a4 གྱི་དམ་པར་རང་གསལ་ཁྱེའུ་ཆུང་གིས།། མཚོན་མེད་བརྗོད་ལས་འདས་པའི་ཆོས་སྐུ་ལ།། མཚན་གྱི་རྣམ་གྲངས་ཇི་ལྟ་བུ།། ཞེས་གསོལ་པ་དང་།། མཚོན་མེད་བརྗོད་ལས་འདས་པའི་ཆོས་སྐུས་བཀའ་སྩལ་པ།། སྙིང
188a5 པོའི་ངང་ལ་གདགས་སུ་མེད་པ་ལ།། སྣང་ཚུལ་མ་འགགས་རྒྱ་ཆད་མེད་པ་ལ།། ཡན་ལག་རིག་པའི་དབང་གིས་མཚན་བཏགས་པ།། ཐེག་པ་མ་ལུས་འདི་ནས་འབྱུང་བའི་ཕྱིར།། ཐེག་པ་སྤྱི་ཡི་རྒྱུད་ཆེན་ཞེས་ཀྱང
188a6 བྱ།། ཐེག་པ་ཐམས་ཅད་གཉའ་གཅོག་ཕྱིར།། གཉའ་གཅོག་ཆེན་པོའི་རྒྱུད་ནི་ཞེས་ཀྱང་བྱ།། ཐེག་པ་ཕྱི་ཡི་དོན་རྣམས་བསྡུ་བའི་ཕྱིར།། སྤྱི་ཏི་ཡོ་ག་ཞེས་ཀྱང་བྱ།། ལྟ་བ་ཡངས་པའི་དོན་རྣམས་སྟོན་པའི་ཕྱིར།། ཡང
iiif viewer powered by OpenSeadragon
