| e-texts navigator |
| Wylie |
187b1 པ་རང་གསལ་ཁྱེའུ་ཆུང་གིས།། མཚོན་མེད་བརྗོད་ལས་འདས་པའི་ཆོས་སྐུ་ལ།། ལྷ་སྒོམ་སྤྱོད་འབྲས་བཞི་ཡི་སྤྲོས་གཅོད་དེ་ལྟར་ན།། མན་ངག་རྣམས་ཀྱི་སྤྲོས་གཅོད་ཇི་ལྟ་བུ།། ཞེས་གསོལ་པ་དང་། བརྗོད་ལས
187b2 འདས་པའི་ཆོས་སྐུས་བཀའ་སྩལ་པ།། སྙིང་པོ་རང་བཞིན་ཆོས་སྐུ་ཀློང་ཡངས་ལ།། མཚོན་མེད་བརྗོད་ལས་འདས་པ་མ་རྟོགས་ཏེ།། ཡན་ལག་སྣང་ཚུལ་རྒྱ་ཆད་མེད་པ་ལ།། མཚོན་བྱ་མཚོན་བྱེད་དོན་ལ་མི་བདོག
187b3 སྟེ།། མ་མཚོན་གོ་ཞིང་རྟོགས་པར་མི་འགྱུར་བས།། མན་ངག་སྤྲོས་གཅོད་མཚོན་ཏེ་བསྟན།། བརྒྱད་ཁྲི་བཞི་སྟོང་ཐེག་པའི་སྒོ།། དེ་ཡི་མན་ངག་བརྗོད་མི་ལངས།། བསམ་གྱིས་མི་ཁྱབ་མཚོན་ལས་འདས།། དྲན་པ
187b4 བཞིར་འགྱུར་མན་ངག་སྟེ།། ཆོས་སྐུ་ཐོབ་པར་མ་གསུངས་སོ།། དོན་གྱི་མན་ངག་བསྟན་པ་ནི།། གཉིས་སྣང་མེད་པའི་མན་ངག་ལ།། སྤྲོས་པའི་མུ་ལས་གྲོལ་བ་ནི།། མན་ངག་རང་བཞིན་ཡིན་པར་བཤད།། སྒྲོ་སྐུར
187b5 བྲལ་བའི་མན་ངག་ལ།། སྤྲོས་པ་མེད་པར་རྟོགས་པ་ནི།། མན་ངག་མཚན་ཉིད་ཡིན་པར་བཤད།། སྒྲོ་སྐུར་བྲལ་བར་རྟོགས་པ་ནི།། སྤྲོས་པའི་མཐའ་ལ་མ་ཞེན་ན།། མན་ངག་ངོ་བོ་ཡིན་པར་བཤད།། སྙིང་པོ་དོན་གྱི
187b6 གནས་ལུགས་ལ།། སྨྲ་བསམ་བརྗོད་པའི་ཡུལ་ལས་འདས།། བསམ་འདས་བརྗོད་མེད་རྟོགས་པ་ནི།། མན་ངག་མཚན་ཉིད་ཡིན་པར་བཤད།། ཕྱོགས་རིས་སྤྲོས་པ་མེད་པའི་དོན།། སྒོ་སྐུར་མཐའ་ལས་གྲོལ་བ
iiif viewer powered by OpenSeadragon
