| e-texts navigator |
| Wylie |
187a1 དེ།། ཡིད་སྨོན་འབྲས་བུ་ཡིན་པར་བཤད།། རེ་དོགས་འབྲས་བུ་ངས་མ་བཤད།། རྩོལ་བསྒྲུབ་འབྲས་བུ་ངས་མ་བཤད།། འདོད་པའི་འབྲས་བུ་ངས་མ་བཤད།། རེ་བའི་འབྲས་བུ་ངས་མ
187a2 བཤད།། ཡིད་སྨོན་འབྲས་བུ་ངས་མ་བཤད།། བསྒྲུབ་ནས་ཐོབ་པའི་འབྲས་བུ་ངས་མ་བཤད།། ཆོས་སྐུ་དམིགས་མེད་མཚོན་མེད་བརྗོད་ལས་འདས།། འབྲས་བུ་ཐོབ་བྱ་ཐོབ་བྱེད་གཉིས་མེད་ཀྱང་།། རང་བྱུང་རྩལ
187a3 སྣང་རྒྱ་ཆད་མེད་པ་ཡིས།། རེ་ཞིག་འབྲས་བུའི་མིང་བཏགས་འདི་ལྟར་རོ།། འབྲས་ནི་སྙིང་པོའི་དོན་ལ་བྱ།། བུ་ནི་ཡན་ལག་མ་འགགས་པ།། འབྲས་ནི་ཆོས་ཉིད་དབྱིངས་ཡིན་ཏེ།། བུ་ནི་ཆོས་ཅན་མཚན
187a4 མའོ།། འབྲས་ནི་ཆོས་སྐུ་ལྷུན་གྲུབ་ལ།། བུ་ནི་རིག་པའི་སྣང་ཚུལ་ཡིན།། འབྲས་ནི་གཞི་མོའི་དོན་ལ་བྱ།། རྩལ་དང་ཟེར་ནི་བུ་ཡིན་ནོ།། འབྲས་ནི་ཆོས་ཀྱི་དབྱིངས་ཡིན་ཏེ།། བུ་ནི་རིག་པའི་ཡེ་ཤེས་སོ།། འབྲས
187a5 ནི་ཐོག་མའི་དུས་ཡིན་ཏེ།། བུ་ནི་ད་ལྟའི་ཤེས་པའོ།། འབྲས་ནི་རང་གི་ཤེས་རབ་སྟེ།། བུ་ནི་བླ་མའི་གདམས་ངག་ཐོབ།། ཐོག་མ་མེད་པའི་དུས་ཉིད་ནས།། རང་ལ་རང་ཆས་ཡོད་པ་འབྲས་ཡིན་ཏེ།། ཐོས་བསམ
187a6 བསྒོམ་གསུམ་གྱིས་རྟོགས་བུ་ཡིན་ནོ།། འབྲས་བུ་དེ་དག་ཐམས་ཅད་ཀྱང་།། སྐུ་གསུམ་འདུ་འབྲལ་མེད་པའི་ཀློང་དུ་སྤྲོས་པ་ཆོད།། འབྲས་བུ་སྤྲོས་པ་གཅོད་པའི་ལེའུ་སྟེ་བཅུ་གཉིས་པའོ།། །། འཁོར་གྱི་དམ
iiif viewer powered by OpenSeadragon
