| e-texts navigator |
| Wylie |
186a1 ཡིན།། ཡིད་དཔྱོད་བློས་བསྒོམ་རྩོལ་བ་དང་།། བསྒོམ་ཡུལ་སྒོམ་མཁན་རྩོལ་བ་དང་།། བཅས་བཅོས་ཡིད་སྨོན་བསྒོམ་པ་དང་།། དེ་དག་གསུམ་གྱི་རྩོལ་བ་སྟེ།། བསམ་དུ་མེད་པའི་དོན་མ
186a2 རྟོགས།། མ་བསམས་མ་བསྒོམས་དོན་གྱི་ཀློང་དཀྱིལ་དུ།། བསམ་བསྒོམ་ཅི་ཡང་མི་བྱ་སྟེ།། མ་བསམ་པ་དེ་ཆོས་ཀྱི་སྐུ།། རིག་མེད་འགྱུར་མེད་སེམས་མེད་རྟོག་པ་མེད།། ཡིད་སྨོན་མ་ཡིན་བློ་ཡི་ཡུལ་དང
186a3 བྲལ།། བསྒོམ་པ་མ་ཡིན་བསྒོམ་པའི་ཡུལ་མ་མཆིས།། བསམ་པས་མི་རྙེད་བསམ་རྒྱུ་ཅི་ཡང་མེད།། བསམ་མེད་རྟོག་མེད་འགྱུར་མེད་ཀློང་དུ་སྤྲོས་པ་ཆོད།། བསྒོམ་པའི་སྤྲོས་པ་གཅོད་པའི་ལེའུ་སྟེ་བཅུ
186a4 པའོ།། །། རང་གསལ་རིག་པའི་ཁྱེའུ་ཆུང་གིས། མཚོན་མེད་བརྗོད་ལས་འདས་པའི་ཆོས་སྐུ་ལ།། སྤྱོད་པའི་སྤྲོས་པ་གཅད་པ་ཇི་ལྟར་ལགས།། ཞེས་གསོལ་པ་དང་།། མཚོན་མེད་བརྗོད་ལས་འདས་པའི་ཆོས
186a5 སྐུས་བཀའ་སྩལ་པ།། བརྒྱད་ཁྲི་བཞི་སྟོང་ཐེག་པའི་སྒོ།། མི་མཐུན་སྤྱོད་པ་ཇི་སྙེད་པ།། བཅོས་བྱ་འདོད་པ་བསྒྲུབ་པ་སྟེ།། བརྗོད་ཀྱིས་མི་ལས་བསམ་མི་ཁྱབ།། འདི་རུ་ཆོས་སྐུས་ཡོངས་མ་གསུངས།། སྣང་བའི་ཡུལ
186a6 དུ་ཅིར་སྣང་ཡང་།། ཆོས་དབྱིངས་སྣང་ལ་རང་བཞིན་མེད།། རིག་པའི་སེམས་ཀྱིས་གར་བརྟགས་ཀྱང་།། ཡིད་ཀྱི་བསམ་པ་གློ་བུར་པ།། སྣང་སེམས་གཉིས་སུ་གར་སྣང་ཀྱང་།། མ་ཆགས་མ་ཞེན་སྤྱོད
iiif viewer powered by OpenSeadragon
