| e-texts navigator |
| Wylie |
184b1 ཡི་ལྟ་བའི་འདོད་ལུགས་ནི།། སྙིང་པོའི་རང་བཞིན་རྒྱ་ཆད་མེད་པ་ལ།། ཀུན་རྫོབ་རིགས་བཞི་ལྷ་ཡི་དཀྱིལ་འཁོར་དང་།། རྣམ་བཞི་ལས་རིགས་བཞི་ཡི་ལྷ་རུ་འདོད།། དོན་དམ་རང་བཞིན་སྐྱེ་འགག་མེད་པར
184b2 འདོད།། ཡོ་གའི་ལྟ་བའི་འདོད་ལུགས་བསྟན་པ་ནི།། སྙིང་པོའི་རང་བཞིན་རྒྱ་ཆད་མེད་པ་ལ།། ཀུན་རྫོབ་རིགས་ལྔ་ལྷ་ཡིས་དཀྱིལ་འཁོར་འདོད།། རྣམ་ཤེས་ལྔ་ལས་རིགས་ལྔ་ལྷ་རུ་འདོད།། དོན་དམ་རང་བཞིན་སྐྱེ
184b3 འགག་མེད་པའོ།། རྣམ་རྟོག་བློ་ལ་དེ་ལྟར་སྣང་མོད་ཀྱང་།། དོན་དམ་ཆོས་ཀྱི་དབྱིངས་སུ་སྤྲོས་པ་ཆོད།། ཀྲི་ཡོག་སྡེ་གསུམ་སྤྲོས་པ་གཅོད་པའི་ལེའུ་སྟེ་དྲུག་པའོ།། །། འཁོར་གྱི་དམ་པ་རང་གསལ་ཁྱེའུ་ཆུང
184b4 གིས།། མཚོན་མེད་བརྗོད་ལས་འདས་པའི་ཆོས་སྐུ་ལ།། མ་ཧཱ་ཨ་ནུའི་ལྟ་བ་སྤྲོས་བཅད་ཇི་ལྟར་གཅོད།། ཅེས་གསོལ་པ་དང་། མཚོན་མེད་བརྗོད་ལས་འདས་པའི་ཆོས་སྐུ་ཡིས།། འཁོར་གྱི་དམ་པ་རང་གསལ་ཁྱེའུ
184b5 ཆུང་ལ།། སྙིང་པོ་རང་བཞིན་རྒྱ་ཆད་མེད་པ་ལ།། མ་ཧཱ་ཡོ་གའི་ལྟ་བའི་འདོད་ལུགས་ནི།། ཕྱི་དང་ནང་དང་སྣོད་བཅུད་སྣང་བ་ལ།། ཐབས་དང་ཤེས་རབ་གཉིས་སུ་འདོད་པ་ལ།། ཕྱི་དང་སྣོད་ནི་ཐབས་ཀྱི་རང་བཞིན
184b6 འདོད།། ནང་དང་བཅུད་ནི་ཤེས་རབ་རང་བཞིན་འདོད།། ཐབས་ཀྱི་རང་བཞིན་བསྐྱེད་པའི་རིམ་པའི་ཚུལ།། ཤེས་རབ་རང་བཞིན་རྫོགས་པའི་རིམ་པའི་ཚུལ།། ཐབས་དང་ཤེས་རབ་གཉིས་སུ་སྣང་བ་ཡང་།། སྣང
iiif viewer powered by OpenSeadragon
