| e-texts navigator |
| Wylie |
184a1 ཤེས་པའི་ངོ་བོ་ལ།། དེ་ཉིད་གཞན་དུ་བརྗོད་དུ་མེད་པའི་དོན།། གསལ་བྱེད་གཞན་ལ་ལྟོས་པ་ཅི་ཡང་མེད།། གསལ་སྟོང་རྒྱ་ཆད་མེད་པར་སྤྲོས་པ་ཆོད།། དབུ་མའི་ལྟ་བའི་འདོད་ལུགས་ནི།། སྒྱུ་མར
184a2 འདོད་དང་རྣལ་འབྱོར་སྤྱོད་པའོ།། སྒྱུ་མ་ལྟ་བུའི་ལྟ་བའི་འདོད་ལུགས་ནི།། སྣང་སེམས་ཐམས་ཅད་སྒྱུ་མ་ཙམ་དུ་འདོད།། ཕྱི་ཡི་དངོས་པོ་འདི་དག་ཐམས་ཅད་ཀྱང་།། ཡང་དག་པར་ནི་རང་བཞིན་གྲུབ་པ
184a3 མེད།། ཡོད་དང་མེད་དང་དབུས་མ་ཡིན།། ཀུན་རྫོབ་ཆུ་ཟླ་ཙམ་དུ་འདོད་པའོ།། རྣལ་འབྱོར་སྤྱོད་པའི་ལྟ་བའི་འདོད་ལུགས་ནི།། ཆོས་རྣམས་ཐམས་ཅད་མཉམ་པ་ཉིད་དུ་འདོད།། ཡོད་དང་མེད་དང་ཅི་ཡང་འདོད་པ
184a4 མེད།། སྤང་ལེན་མེད་པའི་ཀློང་དུ་སྤྲོས་པ་ཆོད།། མཚན་ཉིད་སྡེ་གསུམ་སྤྲོས་པ་གཅོད་པའི་ལེའུ་སྟེ་ལྔ་པའོ།། །། དེ་ནས་རང་གསལ་ཁྱེའུ་ཆུང་གིས།། མཚོན་མེད་བརྗོད་ལས་འདས་པའི་ཆོས་སྐུ་ལ།། ཀྲི་ཡོག།
184a5 སྡེ་གསུམ་ལྟ་བ་ཇི་ལྟར་ལགས།། སྡེ་གསུམ་ལྟ་བའི་སྤྲོས་པ་གཅད་དུ་གསོལ།། ཞེས་གསོལ་པ་དང་།། བརྗོད་ལས་འདས་པའི་ཆོས་སྐུས་བཀའ་སྩལ་པ།། ཀྲི་ཡའི་ལྟ་བའི་འདོད་ལུགས་ནི།། ཆོས་སྐུའི་རང་བཞིན
184a6 དངོས་མེད་རྒྱ་ཆད་མེད་པ་ལ།། ཀུན་རྫོབ་འདི་ལྟར་སྣང་བ་ཐམས་ཅད་ཀུན།། རིགས་གསུམ་དལ་དུ་སྣང་བར་འདོད།། དོན་དམ་དག་པ་རྣམ་གསུམ་ཡིན་པར་བལྟ།། དག་པ་ཆེན་པོའི་ཀློང་དུ་སྤྲོས་པ་ཆོད།། ཨུ་པ་ཡ
iiif viewer powered by OpenSeadragon
