| e-texts navigator |
| Wylie |
183a1 གཅད།། ཅེས་གསོལ་པ་དང་། མཚོན་མེད་བརྗོད་ལས་འདས་པའི་ཆོས་སྐུས་བཀའ་སྩལ་པ།། སྙིང་པོའི་ངངལ་གཅོད་བྱ་གཅོད་བྱེད་གཉིས་མེད་ཀྱང་།། བྱང་ཆུབ་སེམས་ལ་ཤི་དང་མ་ཤི
183a2 མེད།། ཐོག་མ་མེད་པའི་དུས་མཐའ་ནས།། ཐེག་པའི་སྤྲོས་པ་ཡོངས་སུ་གཅོད་པ་ནི།། བརྒྱད་ཁྲི་བཞི་སྟོང་ཐེག་པའི་སྒོ།། བརྗོད་ཀྱིས་མི་ལངས་བསམ་མི་ཁྱབ།། མདོར་བསྡུས་སྤྲོས་པ་གཅོད་པ་ནི།། ཡུལ་སེམས་སོ
183a3 སོར་མཐོང་བའི་ཉན་ཐོས་དང་།། མ་རིག་རྟེན་འབྲེལ་སྣང་བའི་རང་རྒྱལ་དང་།། སྣང་བ་སེམས་སུ་འདུས་པའི་སེམས་ཙམ་དང་།། བདེན་པ་གཉིས་སུ་ལྟ་བའི་དབུ་མ་དང་།། དག་པ་རྣམ་གསུམ་གཅོད་པའི་ཀྲི་ཡ
183a4 དང་།། མར་སྤྱོད་ཡར་བལྟའི་ཨུ་པ་དང་།། དག་པ་ཆེན་པོར་གཅོད་པའི་ཡོ་ག་དང་།། ཐབས་དང་ཤེས་རབ་གཉིས་མེད་མ་ཧཱ་དང་།། དབྱིངས་དང་ཡེ་ཤེས་གཉིས་མེད་ཨ་ནུ་དགུ།། འདོད་ལུགས་མི་མཐུན་ལྟ་སྤྱོད་སོ
183a5 སོ་བ།། སྙིང་པོའི་རང་བཞིན་ཀུན་ལ་ཁྱབ་པ་ལ།། ཡན་ལག་སྣང་ཚུལ་མ་འགགས་དགུ་རུ་ཤར།། ཐེག་པ་དགུ་རུ་ཤར་ཡང་ངན་པར་མ་བོར་ཏེ།། སྙིང་པོ་རང་བཞིན་ཆོས་སྐུའི་ཀློང་ཡངས་སུ།། དགུ་འདུས་ཀུན
183a6 འདུས་བརྒྱད་ཁྲི་བཞི་སྟོང་འདུས་པར་ཆོད། ཐེག་པའི་སྤྲོས་པ་གཅོད་པའི་ལེའུ་སྟེ་བཞི་པའོ།། །། དེ་ནས་རང་གསལ་ཁྱེའུ་ཆུང་གིས།། མཚོན་མེད་བརྗོད་ལས་འདས་པའི་ཆོས་སྐུ་ལ།། ཐེག་པ་རྣམས་ཀྱི་ལྷ
iiif viewer powered by OpenSeadragon
