| e-texts navigator |
| Wylie |
181b1 གྲུབ་དོན་གྱི་སྙིང་པོ་ལ།། གཅད་བྱ་གཅོད་བྱེད་དོན་ལ་མི་བདོག་ཀྱང་།། དཔེར་ན་མེ་གཅིག་འདོད་པས་ཀྱང་།། མེ་མ་བརྗོད་པས་འཕྲད་མི་འགྱུར།། དེ་བཞིན་སྤྲོས་གཅོད་དོན་འདོད་ལ།། མ་བརྗོད་སྤྲོས་པ་ཆོད་མི
181b2 འགྱུར།། སྙིང་པོ་རང་བཞིན་རྒྱ་ཆད་མེད་པ་ལ།། ཡན་ལག་རིག་པའི་དབང་གིས་མ་རྟོགས་ཏེ།། ལྷུན་གྲུབ་ཆོས་སྐུ་རྟོགས་པར་བྱ་བའི་ཕྱིར།། ནང་གི་སེམས་དང་ཕྱི་ཡི་ཡུལ།། སྣང་ཞིང་སྲིད་པའི་ཆོས་རྣམས་ཐམས
181b3 ཅད་དང་།། རིག་ཡིད་སེམས་ཀྱིས་བཏགས་པའི་དྲན་རྟོགས་ཐམས་ཅད་དང་།། བློ་ཡུལ་ཐེག་པ་བརྒྱད་ཁྲི་བཞི་སྟོང་ཀུན།། དེ་དག་ཐམས་ཅད་སྤྲོས་པ་གཅོད་པ་ལ།། འཁོར་བའི་སྤྲོས་པ་ཡོངས་སུ་གཅོད་པ
181b4 དང་།། ཐེག་པའི་སྤྲོས་པ་ཡོངས་སུ་གཅོད་པ་དང་།། ལྟ་བ་རྣམས་ཀྱི་སྤྲོས་པ་ཡོངས་སུ་གཅོད་པ་དང་།། སྒོམ་སྤྱོད་འབྲས་དང་གསུམ་གྱི་སྤྲོས་པ་གཅོད་པ་དང་།། མན་ངག་རྣམས་ཀྱི་སྤྲོས་པ་ཡོངས་སུ་བཅད་པའོ།།
181b5 སྤྲོས་པ་གཅོད་པ་སྡེ་ལྔ་སོ་སོར་དབྱེ་བའི་ལེའུ་སྟེ་གཉིས་པའོ།། །། དེ་ནས་འཁོར་གྱི་དམ་པ་རང་གསལ་ཁྱེའུ་ཆུང་གིས།། མཚོན་མེད་བརྗོད་ལས་འདས་པའི་ཆོས་སྐུ་ལ།། འཁོར་བའི་སྤྲོས་གཅོད་ཇི་ལྟར
181b6 ལགས།། ཞེས་གསོལ་པ་དང་།། མཚོན་མེད་བརྗོད་ལས་འདས་པའི་ཆོས་སྐུས་བཀའ་སྩལ་པ།། སྙིང་པོ་རང་བཞིན་ལྷུན་གྲུབ་ཆོས་སྐུ་ལ།། འཁོར་བ་མྱང་འདས་གཉིས་སུ་མི་བདོག་ཀྱང་།། རིག་པའི་མཚན་ཉིད་རྒྱ
iiif viewer powered by OpenSeadragon
