| e-texts navigator |
| Wylie |
181a1 དུ་སོང་།། དེ་ཡི་དབང་གིས་མ་རྟོགས་སེམས་ཅན་རྣམས།། སྐྱེ་རྒ་ན་འཆིའི་སྡུག་བསྔལ་ལ་སོགས་ཏེ།། ལུས་ནི་ན་ཚ་སྡུག་བསྔལ་དང་།། སེམས་ནི་ཞེ་འདོད་སྡུག་བསྔལ་དང་།། སྣང་བ་ཕྱོགས་རིས
181a2 སྡུག་བསྔལ་ལོ།། རིག་པ་ཡིད་དང་སེམས་དང་གསུམ།། རང་ས་མ་ཟིན་རྣམ་གསུམ་གྱིས།། ཡིད་ནི་འཁོར་ལོ་གསུམ་གྱི་དབང་དུ་སོང་།། དེ་ཡི་དབང་གིས་སྡུག་བསྔལ་ནི།། ཉོན་མོངས་བརྒྱད་ཁྲི་བཞི་སྟོང་ངོ་།། དེ་ཡི
181a3 དོན་དུ་ཆོས་སྒོ་བརྒྱད་ཁྲི་བཞི་སྟོང་གསུངས།། གསུང་གི་དོན་ནི་ཨ་གཅིག་པུ།། སྐྱེ་མེད་ཡིན་པར་ཤེས་པར་བྱ།། ཆོས་སྒོ་བརྒྱད་ཁྲི་བཞི་སྟོང་རྣམས།། ཏྲ་ཐ་ཀེ་རུ་འདུས་པར་བསྟན།། སྙིང་པོ་ཐིག་ལེ་ཉག་གཅིག
181a4 ལ།། གཅད་བྱ་གཅོད་བྱེད་དོན་ལ་མི་བདོག་ཀྱང་།། ཆོས་སྐུའི་ཀློང་དུ་ཐམས་ཅད་གནས་བྱའི་ཕྱིར།། རྫོགས་ཆེན་སྙིང་པོ་སྤྲོས་གཅོད་སྡེ་ལྔ་གསུངས།། ཆོས་ཀྱི་སྙིང་པོ་ཡིན་པར་ཤེས་པར་གྱིས།། ཕུན་སུམ་ཚོགས
181a5 དང་གཞི་ཡི་གནས་ལུགས་དང་།། སངས་རྒྱས་སེམས་ཅན་གཉིས་ཀྱང་བྱེ་བྲག་དང་། གླེང་གཞི་ཡོངས་སུ་བཀོད་པའི་ལེའུ་སྟེ་དང་པོའོ།། །། དེ་ནས་འཁོར་གྱི་དམ་པ་རང་གསལ་ཁྱེའུ་ཆུང་གིས།། མཚོན་མེད
181a6 བརྗོད་ལས་འདས་པའི་ཆོས་སྐུ་ལ།། གླེང་གཞིའི་དོན་ནི་དེ་ལྟར་ན།། སྤྲོས་པ་གཅོད་པ་སྡེ་ལྔ་ཇི་ལྟར་ལགས།། ཞེས་གསོལ་པ་དང་། མཚོན་མེད་བརྗོད་ལས་འདས་པའི་ཆོས་སྐུས་བཀའ་སྩལ་པ།། རང་བཞིན་ལྷུན
iiif viewer powered by OpenSeadragon
