| e-texts navigator |
| Wylie |
180b1 ལྟུང་བ་ཡོངས་དང་བྲལ།། སྨྲར་མེད་བརྗོད་མེད་སྨྲ་བརྗོད་ཡོངས་དང་བྲལ།། གསལ་མེད་མི་གསལ་མེད་དེ་དབྱེར་མེད་དང་།། རིག་དང་མ་རིག་གཉིས་ཀྱང་རིག་སྟོང་དབྱེར་མེད་དང་།། མཚོན་མེད་མཚོན་མཁན
180b2 མིང་དེ་བརྗོད་མེད་དང་།། ཤེས་མེད་རང་གནས་རྟོག་པ་མེད་པའི་དོན།། ཡེ་ནས་ཡོངས་ཁྱབ་ཀུན་གྱི་གཞལ་ཡས་ན།། སྙིང་པོ་རང་བཞིན་གཡོ་མེད་ཆོས་སྐུ་བཞུགས།། རང་བཞིན་ཡོངས་སུ་རྫོགས་པའི་ཆོས
180b3 སྐུའོ།། ཀུན་གཞི་མཛོད་ཆེན་ཆོས་སྐུའི་ཀློང་ཡངས་ལ།། ཤར་བའི་སྣང་ཚུལ་སྣ་ཚོགས་ཅིར་ཤར་ཀྱང་།། ཡུལ་ལ་མ་ཞེན་ཆོས་སྐུའི་ཀློང་དུ་ཐིམ།། ཆོས་ཉིད་ཀློང་ན་ཆོས་ཅན་ལོངས་སྤྱོད་ལ།། གཉིས་མེད་རང་ས་ཟིན
180b4 ཏེ་ལོངས་སྤྱོད་རྫོགས་སྐུའོ།། སྙིང་པོའི་ངང་ལ་སྣང་ཚུལ་ཅིར་ཤར་ཀྱང་།། གཞན་དུ་མ་བཀོལ་ཆོས་སྐུའི་ཀློང་དུ་ཐིམ།། བྱ་བའི་ཆ་སངས་བྱར་མེད་སྤྲོས་བྲལ་རྒྱས།། སྣ་ཚོགས་སྦྲུལ་ཡང་གཉིས་མེད་སྦྲུལ་སྐུའོ།། སྐུ
180b5 གསུམ་དབྱེར་མེད་གཅིག་སྟེ་འགྱུར་མེད་སངས་རྒྱས་སོ།། སྐུ་གསུམ་ཞིང་ཁམས་ཞེས་ནི་དེ་ལ་གདགས།། སྙིང་པོ་སྣང་ཚུལ་རྒྱ་ཆད་མེད་པ་ལ།། མ་རིག་དབང་གིས་ཆོས་ཉིད་མ་རྟོགས་ཏེ།། ཡེ་དོན་མ་རིག་དོན་མི
180b6 གསལ།། དེ་ཕྱིར་མ་རིག་མུན་པར་གསུངས།། རང་རྐྱེན་གཡོ་བའི་དབང་དུ་སོང་བ་ཡིས།། ཡིད་དཔྱོད་རྟོག་པའི་རླུང་འཕྱོ་བསམ་མི་ཁྱབ།། རིག་ཡིད་སེམས་ཀྱི་སྣང་ཚུལ་རྣམ་ལྔ་ཡིས།། ཉོན་མོངས་དུག་ལྔའི་དབང
iiif viewer powered by OpenSeadragon
