| e-texts navigator |
| Wylie |
180a1 རྒྱ་གར་སྐད་དུ། པྲ་པཉྩ་ཙྪེད་པཉྩ་སེ་ན་ཏནྟྲ། བོད་སྐད་དུ། སྤྲོས་པ་གཅོད་པ་སྡེ་ལྔའི་རྒྱུད། སེམས་ཀྱི་རང་བཞིན་ཤེས་པའི་ཀུན་བཟང་རྡོ་རྗེ་སེམས་དཔའ་ལ་ཕྱག་འཚལ་ལོ།། ཡེ་ནས་ཡོངས་སུ་བརྡལ
180a2 བའི་གཞལ་ཡས་ན།། མཚོན་མེད་བརྗོད་ལས་འདས་པའི་ཆོས་སྐུ་བཞུགས།། འཁོར་གྱི་དམ་པ་རང་གསལ་ཁྱེའུ་ཆུང་གིས།། བསྟན་པའི་སྙིང་པོ་སྤྲོས་གཅོད་སྡེ་ལྔ་ཞུས།། དུས་གསུམ་དབྱེར་མེད་བྱིན་བརླབས་བཤད
180a3 པའི་དུས།། ཐོག་མ་མཐའ་མ་མེད་པའི་ཁྱད་པར་དོན།། མ་ཕྱེད་མི་ཕྱེད་སྙིང་པོ་མཉམ་པ་ཉིད།། རང་བཞིན་ཡོངས་ལ་ཁྱབ་པའི་སྟོང་ར་ན།། མ་སྐྱེས་མི་འགག་ཆོས་སྐུ་ལྷུན་གྲུབ་དབྱིངས།། མ་མཚོན་མི་མཚོན་མཚོན
180a4 མེད་ཆོས་སྐུའོ།། མ་བསྒྲུབས་མི་བསྒྲུབ་བསྒྲུབ་མེད་ཡུལ་དང་བྲལ།། མ་བསྟན་མི་བསྟན་བསྟན་དུ་བཏུབ་པ་མེད།། མ་བལྟས་མི་བལྟ་བལྟར་མེད་ཞེ་འདོད་མེད།། མ་བསྒོམས་མི་བསྒོམ་བསམ་མེད་འགྱུར་མེད
180a5 ཀློསློང་།། མ་སྤྱོད་མི་སྤྱད་ཆགས་ཞེན་ཀུན་དང་བྲལ།། མ་ཐོབ་མི་ཐོབ་ཐོབ་རྒྱུ་རང་ལ་མེད།། མ་བསྟན་མི་སྟོན་གདམས་ངག་ཞེན་འཛིན་མེད།། མིང་མེད་ཤེས་མེད་འགྱུ་མེད་དངོས་དང་བྲལ།། མཚོན་མེད་ཚིག་མེད
180a6 བཤད་མེད་ཉན་པ་མེད།། མཐའ་མེད་དབུས་མེད་ཕྱོགས་མེད་དབྱིངས་དང་བྲལ།། ཡིན་མེད་མིན་མེད་མཚོན་པའི་ཡུལ་དང་བྲལ།། བདེ་མེད་སྡུག་མེད་སྡུག་བསྔལ་ཡོངས་དང་བྲལ།། རེ་མེད་དོགས་མེད་ཐོབ་མེད
iiif viewer powered by OpenSeadragon
