| e-texts navigator |
| Wylie |
17b1 ཉོན།། འཁོར་འདས་ཚིག་ལས་འདས་པའི་ཡེ་ཤེས་ནི།། དབྱིབས་དང་ཁ་དོག་དབང་པོའི་སྤྱོད་ཡུལ་དུ།། སངས་རྒྱས་ཉིད་ཀྱིས་བསྟན་ཅིང་མཚོན་དུ་མེད།། མཚོན་ཅིང་བརྟག་པར་དཀའ་བའི་རང་སེམས་དོན།། ཡོད
17b2 མེད་དབུས་ལས་འདས་པའི་བྱང་ཆུབ་དེ།། དངོས་མེད་ཡིད་ལ་དྲན་པའི་ཡེ་ཤེས་ནི།། ཀུན་བཟང་ཉིད་ཀྱིས་མི་གཟིགས་བལྟ་བའི་མཆོག། གཟུང་འཛིན་མཐུ་བརྟས་རྣམ་སྨིན་ལུས་འདི་ལ།། དབང་པོ་ཡུལ་རྣམས
17b3 མིང་དུ་བརྗོད་བྱེད་ཀྱང་།། དོན་ལ་ཕན་པར་རྡུལ་ཙམ་མཚོན་མི་ནུས།། དཔེར་ན་བུམ་པའི་ནང་གི་ནམ་མཁའ་ལ།། དངོས་མེད་བརྗོད་ཀྱི་ནམ་མཁའ་ཆེན་པོ་མིན།། དེ་བཞིན་རྩེ་གཅིག་མི་རྟོག་དོན་བསྒོམས
17b4 ཀྱང་།། ཡེ་ཤེས་རང་ཤར་ཆེན་པོའི་ལྟ་བ་མིན།། བུམ་ཆག་ནམ་མཁའ་ཆེན་པོར་ཐིམ་པ་བཞིན།། ལུས་བྲལ་རང་སེམས་ངོ་བོ་ཉིད་ཀྱི་སྐུ།། དེ་ཉིད་རིག་པར་གསལ་བཏབ་བདེ་བའི་ཀློང་།། དེ་ཙམ་ཉིད་ལས་ཀུན་ཏུ
17b5 བཟང་པོས་ཀྱང་།། ངོ་བོ་ཉིད་ཀྱི་ཆོས་སྐུ་མཚོན་མི་མཁྱེན།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། མཚོན་དུ་མེད་པའི་ལེའུ་སྟེ་ཉེར་གཉིས་པའོ།། །། དེ་ཡང་འདུས་པའི་རྡོ
17b6 སེམས་དཔའ་ཉོན།། ཉམས་དང་རྟགས་ཀྱི་རིམ་པ་ངས་བཤད་ཀྱིས།། ལེགས་པར་བཟུང་ལ་ཡིད་ཀྱིས་ད་ཉོན་ཅིག། ཞེན་མེད་རང་གསལ་བདེ་ལ་མི་གཡོ་བ།། དེ་ཉིད་རང་གི་ཆོས་སྐུ་ཡེ་ཡིན་ཞེས།། དེ་ཕྱིར་གོལ་བ
iiif viewer powered by OpenSeadragon
