| e-texts navigator |
| Wylie |
17a1 བྲལ།། རྟོག་སྤངས་མི་རྟག་བསྒོམ་པའི་ཁར་མི་འོང་།། ཡེ་ཤེས་ལྟ་བའི་ཤུགས་ལས་བྱུང་བའི་ཕྱིར།། རྣལ་འབྱོར་དམིགས་པའི་སེམས་ཀྱིས་བསྒོམ་མི་དགོས།། རྣམ་རྟོག་རང་སེམས་མ་སྐྱེས་ཡེ་ཤེས
17a2 ཕྱིར།། དད་ལྡན་ཆེད་དུ་བསྒོམ་པ་བསྟེན་མི་དགོས།། སེམས་དཔའ་འདུས་པའི་སྙིང་པོ་དེ་ཡང་ཉོན།། ཡུལ་གྱི་སྣང་བ་སྤྱོད་ཡུལ་མ་གྲུབ་ཕྱིར།། ནམ་མཁའ་ལྟ་བུར་ཡེ་ཤེས་རང་ཤར་བས།། རང་སེམས་ཆོས་སྐུའི་ངང
17a3 དུ་དོན་རྟོགས་པས།། རྣལ་འབྱོར་ཅི་ཡང་ཡིད་ལ་མི་བསྒོམས་ན།། ཡང་དག་ལྟ་བའི་དོན་དང་མཐུན་པར་གྲུབ།། རྡོ་རྗེ་སེམས་དཔའི་སྙིང་པོ་དེ་ཡང་ཉོན།། རྫོགས་ཆེན་གོལ་ས་བཅད་ཕྱིར་བསྒོམ་མེད་དེ།། ཡེ་ཤེས
17a4 བསྒོམ་མེད་དག་ཏུ་རབ་རྟོགས་ན།། བསྒོམས་ཀྱང་སྐྱོན་མེད་ཆོས་དབྱིངས་ནམ་མཁའ་འདྲ།། བསྒོམ་མེད་དེས་ནི་ཀུན་གྱི་རེ་བ་བསྐངས།། ཀུན་ལ་ཁྱབ་ཕྱིར་མ་རྫོགས་མེད་མོད་ཀྱིས།། ཀུན་གྱིས་གདམས་ངག་མ
17a5 འཕྲད་རྟོགས་པར་དཀའ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། མ་བསྒོམས་འབྲལ་བ་མེད་པའི་ལེའུ་སྟེ་ཉི་ཤུ་གཅིག་པའོ།། །། ཀུན་རིག་རྒྱལ་པོ་ཆོས་རྗེས་བཀའ་སྩལ་པ།། རང
17a6 སེམས་ངོ་བོ་ཉིད་ཀྱི་ཆོས་སྐུ་ནི།། དབང་པོ་མངོན་སུམ་མི་གནས་ཀུན་ལ་ཁྱབ།། ཆོས་སྐུ་ཚིག་ཏུ་འདི་ཞེས་བསྟན་པ་ནི།། རྡོ་རྗེ་སེམས་དཔའ་ཉིད་ཀྱིས་མཚོན་དུ་མེད།། དེ་ཡང་རྡོ་རྗེ་སེམས་དཔའ་ཡིད་ཀྱིས
iiif viewer powered by OpenSeadragon
