| e-texts navigator |
| Wylie |
178b1 སྨོན་འབྲས་བུ་ངས་མ་བཤད།། སྙིང་པོའི་ཀློང་ནས་རྟོགས་པའི་ཡེ་ཤེས་ཤར།། གཞི་མོའི་དོན་རྟོགས་རང་སར་རང་ཉིད་ཐིམ།། དབྱེར་མེད་གཅིག་ཏུ་འདྲེས་པས་སྙིང་པོ་ཆོས་སྐུར་གྱུར།། སྐྱེ་མེད་རང་ས་ཟིན་པས་སྙིང
178b2 པོ་ཀློང་ནས་ཤར།། འཁྲུལ་པ་རྩད་ནས་ཆོད་པས་རྣམ་རྟོག་རང་སར་གྲོལ།། བརྗོད་མེད་ཀློང་དུ་གྱུར་པས་སྐྱེ་མེད་རྒྱ་ཡིས་ཐེབས།། སྐུ་གསུམ་འདུ་འབྲལ་མེད་པའི་ཀློང་དུ་སྤྲོས་པ་ཆོད།། མན་ངག་ཇི་སྙེད་ཡོད་པ
178b3 རྣམས།། དྲན་པ་བཞིར་འགྱུར་ངས་མ་བཤད།། ཞེན་འཛིན་མེད་པའི་མན་ངག་ནི།། སྤྲོས་པའི་མཐའ་ལ་མི་ཞེན་ཏེ།། འཛིན་སེམས་མེད་པར་སྤྲོས་པ་ཆོད།། བདག་འཛིན་མེད་པར་སྤྲོས་པ་ཆོད།། གཟུང་འཛིན་མེད
178b4 པར་སྤྲོས་པ་ཆོད།། དགག་བསྒྲུབ་མེད་པར་སྤྲོས་པ་ཆོད།། དབྱེ་བསལ་མེད་པར་སྤྲོས་པ་ཆོད།། རྩིས་གདབ་མེད་པར་སྤྲོས་པ་ཆོད།། ཡིད་ལ་མ་འགྲུས་སྤྲོས་པ་ཆོད།། རིག་པས་རིག་མེད་སྤྲོས་པ་ཆོད།། བློ་ཡིས་མ
178b5 བཅོས་སྤྲོས་པ་ཆོད།། ཤེས་པས་མ་ཕྱེ་སྤྲོས་པ་ཆོད།། སེམས་ཀྱིས་བསམ་མེད་སྤྲོས་པ་ཆོད།། ལུས་ཀྱིས་བྱར་མེད་སྤྲོས་པ་ཆོད།། ངག་གིས་བརྗོད་མེད་སྤྲོས་པ་ཆོད།། ཡིད་ཀྱིས་གཡོ་མེད་སྤྲོས་པ་ཆོད།། གཡོ་རྩོལ
178b6 མེད་པར་སྤྲོས་པ་ཆོད།། འཕོ་འགྱུར་མེད་པར་སྤྲོས་པ་ཆོད།། སྐྱེ་བ་མེད་པར་སྤྲོས་པ་ཆོད།། འགག་པ་མེད་པར་སྤྲོས་པ་ཆོད།། སྐྱེ་འགག་གཉིས་མེད་སྤྲོས་པ་ཆོད།། དེ་སོགས་ཅིར་སྣང་རྩོལ་བསྒྲུབ་ཀྱི།། མཐའ
iiif viewer powered by OpenSeadragon
