| e-texts navigator |
| Wylie |
178a1 བྱར་མེད་པས།། བློ་ལས་འདས་པར་སྤྲོས་པ་ཆོད།། ཆོས་ཉིད་མ་བཅོས་ཀློང་ཆེན་དུ།། སེམས་ལ་བསམ་མེད་སྤྲོས་པ་ཆོད།། ཁ་གཏིང་མེད་པའི་ཀློང་ཆེན་དུ།། རྩིས་འདབ་བྱར་མེད་སྤྲོས་པ
178a2 ཆོད།། སྤྲོས་གཅོད་སྡེ་ལྔ་ཞེས་ནི་དེ་ལ་བྱ།། ཞེས་གསུངས་སོ།། རིན་ཆེན་བཅུད་ཀྱི་ཡང་སྙིང་སྤྲོས་པ་གཅོད་པ་རྩ་བའི་རྒྱུད་ལས། ཀློང་སྡེའི་སྤྲོས་པ་གཅོད་པའི་ལེའུ་སྟེ་བརྒྱད་པའོ།། །། དེ་ནས་ཀུན་ཏུ་བཟང
178a3 པོ་ལ།། རྡོ་རྗེ་སེམས་དཔས་འདི་སྐད་གསོལ།། སྤྲོས་གཅོད་སྡེ་ལྔ་དེ་ལྟར་ན།། ལྷ་སྒོམ་སྤྱོད་འབྲས་མན་ངག་སྤྲོས་པ་ཇི་ལྟར་གཅད།། ཅེས་གསོལ་པ་དང་། ཀུན་ཏུ་བཟང་པོས་བཀའ་སྩལ་པ།། ལྟ་བ་བརྒྱད་ཁྲི་བཞི
178a4 སྟོང་རྣམས།། བལྟ་ཡུལ་ལྟ་མཁན་མེད་པ་ཡིས།། བརྟགས་ཞེན་མེད་པར་སྤྲོས་པ་ཆོད།། སྒོམ་པའི་རྣམ་གྲངས་ཇི་སྙེད་པ།། བསྒོམ་ཡུལ་སྒོམ་མཁན་མེད་པ་ཡིས།། ཡིད་ཀྱིས་མ་བཟུང་མ་ཡེངས་པར།། བློ་ཡིས་མ
178a5 བཅོས་མ་བསམ་ཏེ།། དམིགས་མེད་རྟོག་པ་མེད་པ་ཡིས།། འགྱུར་མེད་ཀློང་དུ་སྤྱོད་པ་ཆོད།། སྤྱོད་པ་བྱ་བྱེད་ཐམས་ཅད་ཀུན།། གང་ཡང་བྱ་བ་བཏང་ལ་ནི།། ལུས་ངག་ཡིད་གསུམ་བྱ་བཙལ་མེད།། གང་སྣང་ལུས
178a6 ལ་ཆགས་ཞེན་མེད།། སྒོ་ལྔ་ཅིར་སྣང་སེམས་མི་འཇུག། མ་ཆགས་མ་ཞེན་མེ་ཏོག་བུང་བ་བཞིན།། ཆགས་ཞེན་རྩོལ་བསྒྲུབ་མཐའ་དང་བྲལ།། བྱར་མེད་ཀློང་དུ་སྤྲོས་པ་ཆོད།། འབྲས་བུ་ཇི་སྙེད་ཡོད་པ་རྣམས།། ཡིད
iiif viewer powered by OpenSeadragon
