| e-texts navigator |
| Wylie |
175a1 ཏུ་བཟང་པོས་བཀའ་སྩལ་པ།། ཡེ་ནས་ཡོངས་ཁྱབ་ཀུན་གཞིར་བརྗོད།། སྙིང་པོའི་རང་བཞིན་གཡོ་མེད་ལ།། སྣང་ཚུལ་རྒྱ་ཆད་མེད་པ་ཡི།། རྩལ་སྣང་ཟེར་རིག་མ་འགགས་པ།། འགྱུ་ལས་རླུང་གཡོས
175a2 རིག་ཡོད་འགྱུ།། ཟེར་ལས་འོད་ཀྱི་ཚུལ་དུ་ཤར།། ལྡོག་ཐབས་མ་ཤེས་མ་རིག་པ།། གནད་དོན་མ་ཤེས་དོན་མ་རིག། དེ་ཕྱིར་མ་རིག་མུན་པར་གསུངས།། འགྱུ་བ་རླུང་གིས་རྒྱུ་བྱས་ནས།། སྒྲིབ་གཡོགས་མུན་པས
175a3 བར་བཅད་དེ།། མ་རིག་འཁྲུལ་སྒོ་རྐྱེན་དུ་ཤར།། སུས་ཀྱང་བྱས་པ་མ་ཡིན་ཏེ།། ངང་ངམ་ཤུགས་ལས་གཡོས་པ་ཡིས།། ཡིད་ཀྱི་འཁོར་ལོ་གསུམ་དུ་འཁྲུལ།། ངོ་བོ་རང་ས་མ་ཟིན་པར།། རིག་པའི་ངོ་བོ་སྐྱེས་པ
175a4 ཡིས།། ཀུན་ཏུ་འཚོལ་བའི་ཡིད་དུ་འཁྲུལ།། རང་བཞིན་རང་ས་མ་ཟིན་པས།། དེ་ལས་ཡིད་དུ་འགྱུས་པ་ཡིས།། གཏན་ལ་འབེབས་པའི་ཡིད་དུ་འཁྲུལ།། ཐུགས་རྗེས་རང་ས་མ་ཟིན་པར།། དེ་ལས་སེམས་སུ
175a5 བཏགས་པ་ཡིས།། ངེས་པར་འཇོག་པའི་ཡིད་དུ་འཁྲུལ།། འཁོར་ལོ་གསུམ་དུ་འཁྲུལ་པ་ཡིས།། རིག་པའི་གཟུགས་དང་འོད་ཀྱི་གཟུགས།། ཤ་ཡི་གཟུགས་དང་གསུམ་དུ་བྱུང་།། རིག་གཟུགས་བརྟེན་པ་མེད་པ
175a6 ཡིས།། ཡིད་སེམས་ཕྱ་སངས་ཁྱེར་ནས་ནི།། ཕྱོགས་མཚམས་ཀུན་ཏུ་འགྱུ་བ་ཡིས།། མ་ཡིན་ཕ་ཡིན་ཆགས་ཞེན་སྐྱེས།། དེ་ཡིས་མངལ་གྱི་ཁ་སྒོར་ཆུད།། ཕ་རྒྱུད་ཞེ་སྡང་རུས་སུ་སྨིན།། མ་རྒྱུད་འདོད་ཆགས་ཁྲག་ཏུ
iiif viewer powered by OpenSeadragon
