| e-texts navigator |
| Wylie |
174b1 གསལ་དབྱེ་རུ་མེད།། ཤེས་མེད་རང་གནས་རྟོག་པ་མེད།། འདི་ཞེས་བསྟན་པར་བྱ་བ་ནི།། ཀུན་ཏུ་བཟང་པོས་མཚོན་བརྗོད་མེད།། མཆོག་ཏུ་གསང་བའི་སྙིང་པོ་ནི།། རྣ་དབང་གཞན་ལས་ཟོས་མི་འགྱུར།། དེ་བཞིན
174b2 ལྕེ་ཡི་དབང་པོས་ཀྱང་།། དེ་ལ་བརྗོད་དུ་རྡུལ་ཙམ་མེད།། ཚོགས་བདུན་ཡུལ་མིན་སྙིང་པོ་དེ།། ཡོངས་ལ་ཁྱབ་པས་སྙིང་པོ་ཡིན།། ཆགས་མེད་ཅིར་ཡང་སྣང་བ་དེ།། མ་འགགས་རྩལ་གྱི་སྣང་བ་རྣམས།། མ་བཀོལ
174b3 ཆོས་སྐུའི་ཀློང་དུ་ཐིམ།། ཡན་ལག་སྙིང་པོ་དང་ཐིམ་པས།། སྙིང་པོ་ཡན་ལག་འཕྲད་པ་ཡིས།། གཉིས་མེད་ཆོས་སྐུ་ཆེན་པོར་འགྱུར།། མ་རིག་ལོགས་ནས་འགྲུ་སངས་པས།། རིག་མེད་ཆོས་སྐུ་རང་སངས་རྒྱས།། མ
174b4 རིག་འཁྲུལ་སྒོ་སངས་པས་ཡེ་ཤེས་རྒྱས།། གཉིས་འཛིན་རྟེན་མེད་རང་སངས་རྒྱས།། འཛིན་མེད་གདེང་མེད་འགྱུར་མེད་རྒྱས།། བྱ་བའི་ཆ་སངས་བྱར་མེད་རྒྱས།། ཤུགས་ལས་ཐོག་མར་ཡེ་སངས་རྒྱས།། ཐོག་མའི
174b5 སངས་རྒྱས་ཞེས་བྱའོ།། ཞེས་གསུངས་སོ།། རིན་པོ་ཆེའི་བཅུད་ཀྱི་ཡང་སྙིང་རྩ་རྒུད་ལས། ཐོག་མ་གཞིའི་གནས་ལུགས་དང་། ཀུན་བཟང་ཡེ་སངས་རྒྱས་པར་བསྟན་པའི་ལེའུ་སྟེ་གཉིས་པའོ།། །། དེ་ནས
174b6 སེམས་ཉིད་ཀུན་བཟང་ལ།། རྡོ་རྗེ་སེམས་དཔས་འདི་སྐད་གསོལ།། རང་བཞིན་གཞི་རུ་མཉམ་པ་ན། ཀུན་བཟང་བྱ་བཙལ་མེད་སངས་རྒྱས།། ཁམས་གསུམ་སེམས་ཅན་ཅི་ལྟར་འཁྲུལ།། ཞེས་གསོལ་པ་དང་། ཀུན
iiif viewer powered by OpenSeadragon
