| e-texts navigator |
| Wylie |
174a1 སྣང་ཆེན་པོར་སྤྲོས་པ་ཆོད།། ཡིད་ལ་བྱར་མེད་སྤྲོས་པ་ཆོད།། སེམས་ལ་བཞག་མེད་སྤྲོས་པ་ཆོད།། ཞེ་འདོད་ཀུན་བྲལ་སྤྲོས་པ་ཆོད།། ཅེས་གསུངས་སོ།། རིན་པོ་ཆེ་བཅུད་ཀྱི་ཡང་སྙིང་རྩ་བའི་རྒྱུད
174a2 ལས། གླེང་གཞི་ཕུན་སུམ་ཚོགས་པའི་ལེའུ་སྟེ་དང་པོའོ།། །། དེ་ནས་ཡང་སེམས་ཉིད་སྟོན་པ་ཀུན་བཟང་ལ།། རྡོ་རྗེ་སེམས་དཔས་འདི་སྐད་གསོལ།། སངས་རྒྱས་སེམས་ཅན་གཉིས་ཀྱི་གཞི།། ཐོག་མའི
174a3 གནས་ལུགས་ཇི་ལྟར་གནས།། ཞེས་གསོལ་པ་དང་། ཀུན་ཏུ་བཟང་པོས་འདི་སྐད་གསུངས།། ཐོག་མཐའ་མེད་པའི་བར་དོ་ན།། མ་ཕྱེད་མི་ཕྱེད་སྙིང་པོ་མཉམ་པ་ཉིད།། རང་བཞིན་ཡོངས་ལ་ཁྱབ་པའི་སྟོང་ར
174a4 ན།། ཡེ་ནས་ཡོངས་སུ་བཀོད་པའི་གཞལ་ཡས་ཁང་།། མ་སྐྱེས་མི་འགག་ཆོས་སྐུ་ལྷུན་གྲུབ་དབྱིངས།། མ་མཚོན་མི་མཚོན་མཚོན་མེད་ཆོས་སྐུ་དེ།། སྒྲ་མེད་བརྗོད་མེད་མཚོན་པ་མེད།། བསྟན་མེད་སྟོན་མེད་ཉན་པ
174a5 མེད།། མིང་མེད་བཏགས་མེད་དངོས་པོ་མེད།། བསྒྲུབ་མེད་རྩོལ་མེད་སྨོན་པ་མེད།། བླང་མེད་དོར་མེད་དགག་བསྒྲུབ་མེད།། སྣང་མེད་སྲིད་མེད་སྐྱེ་བ་མེད།། ཡུལ་མེད་སེམས་མེད་དབྱེ་བ་མེད།། བདག་མེད
174a6 གཞན་མེད་གཉིས་སུ་མེད།། དགྲ་མེད་གཉེན་མེད་ཕྱོགས་རིས་མེད།། བདེ་མེད་སྡུག་མེད་གཉིས་ཀ་མེད།། རིག་མེད་འགྱུ་མེད་སེམས་པ་མེད།། དབུས་མེད་མཐའ་མེད་ཕྱོགས་མཚམས་མེད།། གསལ་དང་མི
iiif viewer powered by OpenSeadragon
