| e-texts navigator |
| Wylie |
173a1 འབེབས།། མ་ཚང་མེད་དང་དགོས་པ་ཚང་།། རྒྱུད་ནི་ཕུན་སུམ་ཚོགས་པའོ།། རིན་ཆེན་བཅུད་ཀྱི་ཡང་སྙིང་འདི།། ཆོས་རྣམས་མ་ལུས་འདི་རུ་འདུས།། སྣ་ཚོགས་བསམ་ཡས་སེམས་ལ
173a2 འདུས།། སེམས་ཉིད་སྨྲ་བསམ་བརྗོད་འདས་པས།། ཅི་ཡང་མ་ཡིན་བྱང་ཆུབ་སེམས།། རྩིས་གདབ་བློ་དང་བྲལ་བ་ནི།། བལྟ་བ་ཡིན་གྱིས་སྤྲོས་པ་ཆོད།། ཡེ་ཤེས་རྒྱུན་ལ་བར་མ་ཆད།། དོན་ལས་གཞན་དུ་མ་བཀོལ
173a3 བ།། གཡོ་འགུལ་མེད་པའི་དགོངས་པ་ཡིན།། བསྒོམ་པ་ཡིད་ཀྱིས་སྤྲོས་པ་ཆོད།། བྱ་བའི་སྤྱོད་པ་རྣམ་དག་ཅིང་།། བླང་བྱ་དོར་རྒྱུ་མེད་པ་དང་།། བྱར་མེད་གང་ལའང་ཆགས་ཞེན་མེད།། སྤྱོད་པ་ཡིན་གྱིས་སྤྲོས་པ
173a4 ཆོད།། ཡེ་ཤེས་དྲི་མ་མེད་པ་ལ།། རང་ལ་ཡོད་རྟོགས་འདུ་འབྲལ་མེད།། རེ་དོགས་བློ་དང་བྲལ་བ་ནི།། འབྲས་བུ་ཡིན་གྱིས་སྤྲོས་པ་ཆོད།། ཡེ་ཤེས་གང་དུ་རྒྱ་མ་ཆད།། ཐམས་ཅད་འབྱུང་བའི་གཞིར་གྱུར
173a5 པས།། གཞི་མ་ཡིན་གྱིས་སྤྲོས་པ་ཆོད།། ཐམས་ཅད་ཀུན་ཏུ་མ་བསྒྲིབས་པའི།། ཡེ་ཤེས་རང་དུ་སྣང་བ་དེ།། ཡེ་ཤེས་ཡིན་པས་སྤྲོས་པ་ཆོད།། རྟོག་པ་གཞན་གྱིས་གཡོག་ཏུ་མེད།། སྙིང་པོ་ཡིན་གྱིས་སྤྲོས་པ
173a6 ཆོད།། རྟོག་པ་གཞན་ལ་རག་མ་ལས།། བསྒོམ་མེད་ཡིན་གྱིས་སྤྲོས་པ་ཆོད།། འདོད་པའི་དོན་འབྱུང་རིན་པོ་ཆེ།། ཡོན་ཏན་ཡིན་གྱིས་སྤྲོས་པ་ཆོད།། འཁོར་བ་རྩད་བཅད་མྱ་ངན་འདས།། འཁོར་འདས་མེད་ཀྱིས
iiif viewer powered by OpenSeadragon
