| e-texts navigator |
| Wylie |
172b1 སྐལ་ལྡན་ལ།། རྒྱུ་འབྲས་འདས་པའི་གསུང་སྒོ་ཕྱེ།། ཞེས་གསོལ་པ་དང་། དེ་ནས་སེམས་ཉིད་ཀུན་བཟང་གིས།། འདུས་པའི་འཁོར་ལ་བཀའ་སྩལ་པ།། གསུང་གི་སངས་རྒྱས་ཐམས་ཅད་ཀྱི།། ཡེ་ཤེས་རང་བཞིན
172b2 ཁྱོད་ཡིན་པས།། མ་འགགས་རྩལ་སྣང་ཡེ་ཤེས་ཤར།། སྐུ་ཡི་སངས་རྒྱས་ཐམས་ཅད་ཀྱི།། ཡེ་ཤེས་འོད་གསལ་ཁྱོད་ཡིན་པས།། ཆོས་རྣམས་བྱང་ཆུབ་སེམས་ལ་སྣང་།། ཐུགས་ཀྱི་སངས་རྒྱས་ཐམས་ཅད་ཀྱི།། མ
172b3 གཡོས་ཡེ་ཤེས་བདེ་ལྡན་པས།། ཡེ་ཤེས་རིན་ཆེན་འོད་དུ་ཤར།། དོན་གཅིག་ཡོན་ཏན་ཀུན་གྱི་བདག། རིན་ཆེན་འོད་འབར་ཐབས་ཀྱི་སྒོ།། ཡང་སྙིང་བཅུད་ཀྱི་དོན་ལྡན་པས།། རྩོལ་མེད་ཡེ་ཤེས་ངོ་སྤྲོད་ཀྱིས།། རིན
172b4 ཆེན་བཅུད་ཀྱི་ཡང་སྙིང་ལ།། ཐ་སྙད་བརྗོད་པའི་ཚིག་བྲལ་ཡང་།། མ་རྟོགས་པ་ལ་མཚོན་པའི་ཕྱིར།། གསུང་གི་བརྗོད་པ་གསལ་བ་ཡིས།། མུན་ཁུངས་གསལ་སྒྲོན་ལྟ་བུར་བཤད།། རང་བཞིན་ངོ་བོ་ཐུགས་རྗེ
172b5 གསུམ།། སྟོན་པ་ཕུན་སུམ་ཚོགས་པར་བཤད།། འདས་དང་མ་བྱོན་ད་ལྟ་གསུམ།། དུས་ནི་ཕུན་སུམ་ཚོགས་པར་བཤད།། ཐམས་ཅད་སྡུད་དང་ཁྱད་པར་འཕགས།། ཁང་བཟངས་སྤྲུལ་པ་བཞུགས་པ
172b6 གསུམ།། གནས་ནི་ཕུན་སུམ་ཚོགས་པར་བཤད།། རང་བཞིན་འབྲེལ་དང་དོན་གྱི་གཅིག། འདོད་པས་བསྡུས་པའི་འཁོར་རྣམས་ནི།། འཁོར་ནི་ཕུན་སུམ་ཚོགས་པར་བཤད།། གཅིག་དང་འབྲེལ་དང་གཏན་ལ
iiif viewer powered by OpenSeadragon
