| e-texts navigator |
| Wylie |
172a1 འདས་དང་།། སྟོན་པའི་རྒྱལ་པོ་མཚན་འདས་དམིགས་མེད་དང་།། སྟོན་པའི་རྒྱལ་པོ་སེམས་ཉིད་ཀུན་བཟང་གསུམ།། འབྱེད་པ་མེད་པའི་ཚུལ་གྱིས་བཞུགས་སོ།། འཁོར་གྱི་ཚོགས་ཀྱང་འདི་ལྟ
172a2 སྟེ།། རྩལ་སྣང་མཚན་ཉིད་ལྟ་བུའི་འཁོར་དང་། ཤུགས་འབྱུང་རིག་པ་བསམ་མི་ཁྱབ་ཀྱི་འཁོར་དང་། ཡིད་སེམས་རྟོག་ཚོགས་བསམ་འདས་ཀྱི་འཁོར་དང་། དེ་གསུམ་རང་བཞིན་གཞིའི་འཁོར་རོ།། གཞན་ཡང
172a3 འཁོར་ཚོགས་འདི་ལྟ་སྟེ། རང་བཞིན་གྱི་འཁོར་དང་། དོན་གྱི་འཁོར་དང་། འདོད་པ་སྐུའི་འཁོར་རོ།། རྒྱུའི་བྱང་ཆུབ་སེམས་དཔའ་དང་། ལམ་གྱི་བྱང་ཆུབ་སེམས་དཔའ་དང་། འབྲས་བུའི་བྱང་ཆུབ་སེམས་དཔའ
172a4 དང་། དེ་ལ་སོགས་ཏེ་ཐབས་ཅིག་དུ་བཞུགས་སོ།། དེ་ནས་རྡོ་རྗེ་སེམས་དཔས་སེམས་ཉིད་ཀུན་བཟང་ལ་འདི་སྐད་ཅེས་གསོལ་ཏོ།། གསུང་གི་སངས་རྒྱས་ཐམས་ཅད་ཀྱིས།། རྒྱུ་ཡི་དོན་རྣམས་མཐར་ཕྱུང་ནས།། རྒྱུ
172a5 དང་རྐྱེན་གྱིས་མ་བསྐྱེད་པའི།། འབྲས་བུའི་ཐེག་པ་མི་གསུང་བར།། ཐུགས་རྗེའི་མཁྱེན་པ་མི་མངའ་འམ།། ངོ་བོའི་སངས་རྒྱས་ཐམས་ཅད་ཀྱིས།། ལམ་གྱི་དོན་རྣམས་མཐར་ཕྱུང་ནས།། བྱར་མེད་འབྲས་བུ་མི་གསུང
172a6 བ།། ཐུགས་རྗེའི་མཁྱེན་པ་ཡལ་ལམ་ཅི།། ཐུགས་ཀྱི་སངས་རྒྱས་ཐམས་ཅད་ཀྱིས།། འབྲས་བུའི་ཐེག་པ་མཐར་ཕྱུང་ནས།། རྒྱུ་འབྲས་འདས་པ་མི་གསུང་བ།། འགག་མེད་ཐུགས་རྗེ་མི་འཆར་རམ།། རིན་ཆེན་ལྟ་བུའི
iiif viewer powered by OpenSeadragon
