| e-texts navigator |
| Wylie |
171b1 བུ་ཡང་མི་ཉན་ཏེ།། མི་རྣམས་གཡོ་སྒྱུས་འཚོ་བའི་དུས།། ཆགས་སྡང་ལྔ་དང་མ་བྲལ་བར།། ལྟ་བ་ཁ་ཁྱེར་ཞེན་པ་མ་ལོག་པར།། རྣལ་འབྱོར་སྟོན་པ་བྱེད་པའི་དུས།། ད་ལྟ་སངས་རྒྱས་ཡིན་སྨྲ་བ།། ཆོས་སུ་རྫོགས
171b2 ཆེན་དར་བའི་དུས།། སྟོན་པ་རྣལ་འབྱོར་བྱེད་པའི་དུས།། དེ་དུས་རྒྱུད་ཀྱི་རྒྱལ་པོ་འབྱུང་།། བདེ་གཤེགས་བྱིན་གྱིས་བརླབ་མི་ཐུབ།། འབྱུང་བ་ས་ཡིས་གསེར་མི་ཐུབ།། མཁའ་འགྲོ་གཏད་པའི་གཏེར་མི་ཐུབ།། སྐྱེ
171b3 འགྲོས་བློ་གཏད་གཉེར་མི་ཐུབ།། དེ་དུས་རྒྱུད་ཀྱི་རྒྱལ་པོ་འབྱུང་།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་རྫོགས་སོ།། །། སློབ་དཔོན་པདྨས
171b4 བཤད། ཞུ་ཆེན་གྱི་ལོཙྪ་བ་ཆེན་པོ་སྐ་བ་དཔལ་བརྩེགས་ཀྱིས་གཏན་ལ་ཕབ་པའོ།། །། @#།། རྒྱ་གར་སྐད་དུ། རཏྣ་ར་ས་ཨ་ཏི་ཧྲྀ་ད་ཡ་ཨཱ་དི་ཨནྟ་རཛྫཙྪེ་ད་པྲ་པཉྩཙྪེ་ད་མཱུ་ལ་ཏནྟ། བོད
171b5 སྐད་དུ། རིན་པོ་ཆེ་བཅུད་ཀྱི་ཡང་སྙིང་ཐོག་ཐ་དྲས་ཐག་གཅོད་པ་སྤྲོས་གཅོད་རྩ་བའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་རྟོགས་ཤིང་བཤད་པའི་དུས་གཅིག
171b6 ན། རིན་པོ་ཆེའི་གནས་ཡེ་ཤེས་ཀྱི་ཀློང་། མ་བྲིས་པའི་དཀྱིལ་འཁོར། མཐའ་དབུས་མེད་པའི་གནས་ན། རིན་པོ་ཆེའི་འོད་སྣ་ཚོགས་ཀུན་ཏུ་འབར་བའི་གཞལ་ཡས་ཁང་ན། སྟོན་པའི་རྒྱལ་པོས་བསམ་མེད་བརྗོད
iiif viewer powered by OpenSeadragon
