| e-texts navigator |
| Wylie |
171a1 ན།། མཁའ་འགྲོ་བཀའ་སྲུང་ཆོས་སྐྱོང་ཚོགས།། དེ་ནི་མ་ཤིའི་སྔོན་རོལ་དུ།། ཤ་ཁྲག་རློན་པར་བཟའ་བར་བྱེད།། ཕྱི་མར་གཉིས་ཀ་དམྱལ་བར་ལྷུང་།། རྒྱ་མཚོར་དུག་སྦྱོར་སྡིག་པས་ཆར་མི་ཕོད།། དེ
171a2 བས་མི་བསྟན་གསང་བར་འོས།། སྣོད་མེད་རྣམས་ཀྱི་ཆོས་མ་ཡིན།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས། མཚན་དང་གཏད་རྒྱ་སྣོད་ཀྱི་ཁྱད་པར་བསྟན་པའི་ལེའུ་སྟེ་བརྒྱ་དང་བརྒྱད་པའོ།། །། དེ
171a3 ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ནམ་ཞིག་དུས་ནི་ཕྱི་མ་ལ།། རྒྱུད་འདི་འབྱུང་བའི་དུས་ནི་ཇི་ལྟར་ལགས།། ཞེས་གསོལ་པ་དང་།། མ་འོངས་དུས་སུ་འབྱུང་བ་ཡི།། དེ་དུས་མངོན
171a4 པར་ཤེས་པས་མཁྱེན།། རྒྱུད་ཀྱི་རྒྱལ་པོ་འབྱུང་དུས་སུ།། སྐུ་དང་གསུང་གི་བསྟན་པ་ནུབ།། བདེ་གཤེགས་བཀའ་ཡི་བྱིན་རླབས་ཡལ།། ཐུགས་ཀྱིས་བསྟན་པ་དར་བའི་ཚེ།། དེ་ཚེ་ང་ཡི་རྒྱུད་འདི་འབྱུང་།། གནས
171a5 གཞི་འཐབ་རས་བསྐོར་བ་དང་།། ཆེ་བཙུན་སྡེ་འཁྲུག་བྱེད་པ་དང་།། དགེ་སློང་ཚོང་དཔོན་བྱེད་པ་དང་།། ཆོས་གོས་འོག་ཏུ་གྲི་འཛུགས་དང་།། བཙུན་མ་བུ་ཆུང་འཚོ་བ་དང་།། བཙུན་ཆེན་ཆུང་མ་ལེན་པ་དང་།། ཆེ
171a6 བཙུན་དུག་སྦྱོར་བྱེད་པའི་དུས།། དེ་དུས་རྒྱུད་ཀྱི་རྒྱལ་པོ་འབྱུང་། བན་མེད་སྐྱེ་མེད་ནག་པོ་གོན་པའི་དུས།། ལྷམ་བུ་རེ་བས་བྱེད་པའི་དུས།། ཕོ་རུ་ས་རུས་བྱེད་པའི་དུས།། གོས་ལ་སྣུམ་གྱི་ཐིག་ལེ་བྱུགས།། ཕ་ཟེར
iiif viewer powered by OpenSeadragon
