| e-texts navigator |
| Wylie |
170b1 ཡིན།། བརྒྱད་ཁྲི་བཞི་སྟོང་བལྟ་བསྒོམ་འབྱེད་པའི་ཕྱིར།། འཕྲུལ་གྱི་ལྡེ་མིག་རྒྱུད་ཀྱི་རྒྱལ་པོ་ཡིན།། དགོས་འདོད་མ་ལུས་འདི་ལས་འབྱུང་བའི་ཕྱིར།། ནོར་བུ་རིན་ཆེན་རྒྱུད་ཀྱི་རྒྱལ་པོ་ཡིན།། རེ་ཞིག་རྒྱུད་ཀྱི་མཚན
170b2 ནི་དེ་ལྟར་རོ།། ཞེས་གསུངས་སོ།། རྒྱུད་འདི་གཏད་པའི་གང་ཟག་ནི།། ཕྱོགས་རིས་ཆུང་ལ་དད་པ་ཆེ།། སེར་སྣ་ཆུང་ལ་གཏོང་ཕོད་ཆེ།། ཉོན་མོངས་ཆུང་ལ་ཤེས་རབ་ཆེ།། ཆགས་ཞེན་ཆུང་ལ་དམ་ཚིག་ཆེ།། དེ་ལ
170b3 ད་ཀྱི་རྒྱལ་པོ་གཏད།། སློབ་དཔོན་སྙིང་ལ་སེམས་པ་དང་།། གདམས་ངག་སྲོག་བཞིན་འཆང་བ་ལ།། རྒྱུད་ཀྱི་རྒྱལ་པོ་བཤད་ཅིང་གཏད།། དམ་ཚིག་གཞུང་བསྲང་རྣམ་སྨིན་འཛེམ།། དམ་པའི་ཆོས་ཀྱི་དོན་དུ
170b4 ནི།། ལུས་སྲོག་ཕངས་པ་མེད་པར་གཏོང་།། རིན་ཆེན་གསེར་ལ་སོགས་པ་འདོད་པའི་དོན།། མ་ཆགས་སེར་སྣ་མེད་པས་འབུལ།། དེ་ལ་རྒྱུད་ཀྱི་རྒྱལ་པོ་བཤད་ཅིང་གཏད།། བློ་ཆེ་བློ་ཡངས་བློ་རྣོ་བློ་ཟབ་ལ།། རྒྱུད
170b5 ཀྱི་རྒྱལ་པོ་བཤད་ཅིང་གདམས་ངག་གཏད།། དམ་ཚིག་མེད་ལ་སྙིང་རྗེ་ཆུང་།། ཤེས་རབ་མེད་ལ་འདོད་པ་ཆེ།། གདུང་སེམས་མེད་ལ་གྲོགས་མཆེད་བསླུ།། བརྩོན་འགྲུས་ཆུང་ལ་ཆགས་སྡང་ཆེ།། མ་ཐོབ་བར་དུ་ངོ
170b6 དགའ་ཁ་བསགས་རྒྱུ་ཡིས་འབྲེལ།། ལག་ཏུ་ཐོབ་ན་ཟོང་དུ་འཚོང་།། དམ་མེད་ཁྲེལ་མེད་ཐབས་ཀྱིས་འདོད་པ་ལ།། མ་སྦྱིན་སྡིག་པའི་གནས་སུ་འགྱུར།། དེ་ལྟ་བུ་ལ་བྱིན་གྱུར་ན།། ངམ་ཤོད་གླིང་གི་དུར་ཁྲོད
iiif viewer powered by OpenSeadragon
