| e-texts navigator |
| Wylie |
16b1 ལ།། རྒྱུན་དུ་མ་བརྗེད་རིག་པས་གསལ་ཐེབས་ནས།། བག་ཆགས་ཉོན་མོངས་རྟོག་པའི་སྐྱོན་གྱིས་ཀྱང་།། དེ་ལ་རྡུལ་ཙམ་མི་བསྒྲིབ་ཡེ་ཤེས་གསལ།། དཔེར་ན་སྐྱེས་བུ་སྔགས་ཀྱིས་གདེང་ལྡན་པས།། དུག་མ
16b2 གསལ་བར་དུག་ཉིད་སྨན་འགྱུར་ལྟར།། སྔ་ཕྱི་མ་སོང་ཆོས་སྐུ་ཡིན་ཤེས་ནས།། སྔ་ཕྱིར་མ་སྤངས་གློ་བུར་རང་སྟོང་ཕྱིར།། བླ་དངོས་དབྱེར་མེད་རྟོགས་པའི་ཚད་ཡིན་ནོ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས
16b3 རྫོགས་པའི་རྒྱུད་ལས། བློ་དངོས་གཅིག་པར་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་འདུས་པའི་འཁོར་ལ་བཀའ་སྩལ་པ།། རང་སེམས་དོན་རྟོགས་སྙིང་པོ་ཆོས་སྐུ་ལས།། བསྒོམ་བྱའི་ཡེ་ཤེས་ཆོས་སྒྲ
16b4 གུད་ན་མེད།། སྔ་ཕྱི་སེམས་ཀྱི་ཡེ་ཤེས་མཐའ་བྲལ་ཕྱིར།། མ་ནོར་སྒོམ་པ་པོ་ཡང་ག་ལ་ཡོད།། དེ་ལྟར་སྒོམ་ཆེན་སེམས་ལ་དངོས་མེད་ན།། མི་གནས་མི་རྟོག་འཇོག་པ་རྣལ་འབྱོར་ཡིན།། རྡོ་རྗེ་སེམས་དཔའི་སྙིང
16b5 པོ་དེ་ཡང་ཉོན།། ཨ་ཏི་རྫོགས་ཆེན་ཆོས་སྐུ་བདེན་གཉིས་བྲལ།། ངོ་བོ་ཉིད་ཀྱི་རང་ཤར་ཡེ་ཤེས་ནི།། ཡོད་མེད་དབུས་ཀྱི་ཡེ་ཤེས་མཐའ་གསུམ་བྲལ།། ཡུལ་ལ་སྤང་སྡུད་གཉིས་པོ་གདོད་ནས་མེད།། དཔེར་ན་ནམ
16b6 མཁའ་རང་དུ་ཤེས་པ་བཞིན།། ཇི་བཞིན་མ་ནོར་རང་སེམས་རྟོགས་པ་ཡིས།། ལུས་ངག་མ་སྐྱེས་རྟོགས་པའི་གཞི་མེད་ཕྱིར།། སྐྱིལ་ཀྲུང་དྲང་འདུག་སྨྲ་བཅད་ཁ་ན་མེད།། དེ་ཕྱིར་སེམས་ཀྱང་དངོས་མེད་རྟག་ཆད
iiif viewer powered by OpenSeadragon
