| e-texts navigator |
| Wylie |
169b1 གསེར་ཐམས་ཅད་རྒྱུ་གཅིག་གོ། ནོར་བུ་རིན་ཆེན་རྙེད་ན་དགོས་འདོད་ཐམས་ཅད་འབྱུང་།། ཟ་འོག་གཅིག་ཡོད་དར་སྣ་སྣ་ཚོགས་ཡོད།། ཐེག་པའི་རྒྱལ་པོ་སྤྱི་ཏི་འདི་འཆང་ན།། ཐེག་པ་མ་ལུས་མཐའ་དག་འཆང
169b2 བར་འགྱུར།། ཚིག་གཅིག་ཤེས་ན་ཚིག་ཀུན་ཤེས་པར་འགྱུར།། དོན་གཅིག་ཤེས་ན་ཡོན་ཏན་ཀུན་གྱི་བདག། ཅེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས།། སྤྱི་ཏི་ཡོ་ག་རྟོགས་པས་ཀུན་ཤེས་པར་བསྟན་པའི
169b3 ལེའུ་སྟེ་བརྒྱ་དང་དྲུག་པའོ།། །། དེ་ནས་རྡོ་རྗེ་སེམས་དཔའ་ཡིས།། སྠི་ཏིའི་འབྲས་བུ་ཇི་ལྟར་རྫོགས།། ཞེས་གསུངས་པ་དང་།། སྟོན་པས་འཁོར་ལ་བཀའ་སྩལ་པ།། སྠི་ཏི་ཡོ་གའི་འབྲས་བུ་ལ།། བལྟ་རུ་མེད
169b4 པས་ལྟ་བ་དེ་བལྟས་པས།། མཐོང་དུ་མེད་པའི་ཆོས་ཉིད་བྱང་སེམས་མཐོང་།། མཐོང་བའི་དུས་སུ་དངོས་མེད་རང་སར་དངས།། བསྒོམ་དུ་མེད་པས་སྒོམ་པ་དེ་བསྒོམས་པས།། ཞི་རྒྱུ་མེད་པའི་རྣམ་རྟོག་གཟུང་འཛིན
169b5 ཞི།། སྤྱོད་དུ་མེད་པའི་དོན་ལ་རང་སྤྱོད་པས།། བྱ་བ་མེད་པའི་ལས་རྣམས་ཐམས་ཅད་འགྲུབ།། བསྒྲུབ་ཏུ་མེད་པའི་འབྲས་བུ་དེ་བསྒྲུབས་པས།། ཐོབ་ཏུ་མེད་པའི་སྐུ་གསུམ་ལྷུན་གྲུབ་ཐོབ།། འགྱུར་དུ་མེད་པའི
169b6 སེམས་ཉིད་མངོན་དུ་འགྱུར།། སངས་དུ་མེད་པའི་མ་རིག་མུན་པ་སངས།། ཤར་དུ་མེད་པའི་ཡེ་ཤེས་ཉི་མ་ཤར།། རྒྱས་སུ་མེད་པའི་སྙིང་པོ་ཀློང་ན་རྒྱས།། རྩོལ་བསྒྲུབ་མེད་པའི་ངང་དངས་ཆོས་སྐུ་ཐོབ།། བསྟན་པའི
iiif viewer powered by OpenSeadragon
