| e-texts navigator |
| Wylie |
169a1 ཡིན་སེམས་རྟོག་སྟེ།། ཏི་ནི་སྙིང་པོ་ཀློང་དུ་གྱུར།། ཡོ་ནི་མ་ལུས་དབྱེར་མེད་རྩིས་གདབ་མེད།། ག་ནི་སྙིང་པོ་ཆོས་ཉིད་ཀློང་ནས་འཆར།། དེ་ཕྱིར་ཐེག་པ་ཐམས་ཅད་ཟིལ་གྱིས་གནོན།། དེ་ཕྱིར་སྤྱི་ཏི
169a2 སེམས་ལ་རྫོགས།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས། སེམས་ལ་སྠི་ཏི་རྫོགས་ལུགས་བསྟན་པའི་ལེའུ་སྟེ་བརྒྱ་དང་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ
169a3 འདི་སྐད་ཞུས།། སྤྱི་ཏི་ཤེས་པས་ཡོ་ག་ཤེས་གྱུར་རམ།། སྟོན་པས་འཁོར་ལ་འདི་སྐད་གསུངས།། སྠི་ཏི་ཡོ་ག་ཤེས་རྟོགས་ན།། ཐམས་ཅད་མ་ལུས་ཤེས་པར་འགྱུར།། སྤྱི་ཏི་ཡོ་ག་ཤེས་ན་ཐེག་པ་མཐའ་དག
169a4 ཤེས།། སྠི་ཏི་ཡོ་ག་རྟོགས་ན་ལྟ་བ་མཐའ་དག་རྟོགས།། སྠི་ཏི་ཡོ་ག་གྲུབ་ན་དངོས་གྲུབ་ཐམས་ཅད་གྲུབ།། སྠི་ཏི་ཡོ་ག་གོ་ན་ཐེག་པའི་ལ་ཤན་གོ། སྨོན་པའི་སངས་རྒྱས་ས་ལ་སླེབས།། དཔེར་ན་འདི་ལྟར་གོ་བར
169a5 གྱིས།། མཆོག་རབ་རྩེ་ནས་བལྟས་པས་རི་ཕྲན་རི་བོ་ཐམས་ཅད་མཐོང་།། རྒྱ་མཚོ་ཆེན་པོར་བལྟས་པས་ཆུ་ཕྲན་ཐམས་ཅད་མཐོང་།། སྡོང་པོ་རྩ་བ་ཆོད་པས་ཡལ་གཡོ་ག་སྐམས།། འདམ་བུ་གཅིག་ཁོག་སྟོང
169a6 པས་ཐམས་ཅད་སྟོང་།། འབྱུང་བ་ནམ་མཁའི་ངང་ནས་འབྱུང་བ་བཞི་ཡང་གསལ།། སྐྱུ་རུ་ར་གཅིག་སྒྱུར་ན་ཀུན་ཀྱང་སྒྱུར་བར་གོ།། ཉི་ཟླ་གཉིས་མཐོང་གཟའ་སྐར་ཐམས་ཅད་གསལ།། གསེར་གཅིག་ངོ་ཤེས་པས
iiif viewer powered by OpenSeadragon
