| e-texts navigator |
| Wylie |
168b1 འཁོར་དབང་དང་དམ་ཚིག་གྲུབ་མཐའ་རྫོགས།། སྡོམ་པ་བསླབ་པ་ཉན་ཐོས་འདུལ་ཁྲིམས་རྫོགས།། ས་དང་ལམ་དང་ཕ་རོལ་ཕྱིན་དྲུག་རྫོགས།། ས་བཅུ་སྨོན་ལམ་ཡིད་སྨོན་རེ་དོགས་རྫོགས།། བྱིན་རླབས་དངོས
168b2 གྲུབ་ཚོགས་དང་དབང་ཡང་རྫོགས།། མཆོད་དང་བསྟོད་དང་འགྱོད་ཚངས་སྒྲིབ་སྦྱངས་རྫོགས།། སྣང་བ་དབྱེ་བསལ་མེད་པར་རྫོགས།། སྲིད་པ་སྐྱེ་བ་མེད་པར་རྫོགས།། ཡིད་གཉིས་གཟུང་འཛིན་མེད་པར
168b3 རྫོགས།། རིག་པ་དང་དངས་ཆེན་པོར་རྫོགས།། སེམས་རྟོགས་རང་བརླག་ཆེན་པོར་རྫོགས།། བློས་བཏགས་རང་སངས་ཆེན་པོར་རྫོགས།། ཡུལ་སེམས་རྩིས་གདབ་མེད་པར་རྫོགས།། ཕྱི་ནང་གཉིས་སུ་མེད་པར
168b4 རྫོགས།། ཚ་ཚ་བསྐོར་བ་མར་མེ་སྦྱིན་གཏོང་རྫོགས།། ཟ་འཆག་ཆུ་གཏོར་སྨོན་ལམ་ཡིད་སྨོན་རྫོགས།། མནོས་ཚད་ཤེས་ཚད་མ་ལུས་རྫོགས།། ཐམས་ཅད་སྠི་ཏི་ཡོ་གར་རྫོགས།། ཐམས་ཅད་ཡོད་ཚད་རྫོགས
168b5 པའི་སྤྱི་ཏི་ཡོ་ག་ཡིན།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས། ཐམས་ཅད་སྤྱི་ཏི་ཡོ་གར་རྫོགས་པའི་ལེའུ་སྟེ་བརྒྱ་དང་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད
168b6 ཞུས།། སྠི་ཏི་སེམས་ལ་ཇི་ལྟར་རྫོགས།། ཞེས་གསོལ་པ་དང་། ཀུན་བཟང་འཁོར་ལ་འདི་སྐད་གསུངས།། སྠི་ཏི་སེམས་ལ་རྫོགས་ལུགས་ནི།། སྤྱི་ནི་ཡོད་ཚད་མ་ལུས་ལ།། ཏི་ནི་སྙིང་པོ་ཀློང་དུ་འགྱུར།། སྤྱི་ནི་རིག
iiif viewer powered by OpenSeadragon
