| e-texts navigator |
| Wylie |
168a1 སོ།། སྣང་སྲིད་ཁ་སྦྱོར་ལས། སེམས་ལ་རྫོགས་ཆེན་རྫོགས་པའི་ལེའུ་སྟེ་བརྒྱ་དང་གཉིས་པའོ།། །། སས་སྟཱ་ཏ་ཨི་ལ་ཨ་སཾ་དྷརྨཱ་ཨ་ཏི་གྷ་ཨ།། དེ་ནས་རྡོ་རྗེ་སེམས་དཔའ་ཡིས།། ཀུན་བཟང
168a2 ཉིད་ལ་འདི་སྐད་ཞུས།། སྤྱི་ཏི་ཡོ་གའི་ཐེག་པ་རུ།། ཐེག་པ་ཐམས་ཅད་ཇི་ལྟར་རྫོགས།། ཞེས་གསོལ་པ་དང་།། དེ་ནས་སྟོན་པ་ཀུན་བཟང་དེས།། རིན་པོ་ཆེ་འོད་བརྡའ་སྦྱོར་དབྱེར་མེད་ཀྱི་ཏིང་ངེ་འཛིན་ལ་བཞུགས
168a3 སོ།། དེ་ལས་བཞེངས་ནས་འཁོར་ལ་འདི་སྐད་གསུངས།། ང་ཡི་སྠི་ཏི་ཡོ་ག་འདིར།། ཐམས་ཅད་མ་ལུས་ཡོངས་སུ་འདི་ལྟར་རྫོགས།། སྙིང་པོ་རྩལ་སྣང་བརྟགས་ཞེན་མིང་ཚིག་རྫོགས།། སྣང་སྲིད་སྐྱེ་འགུལ་འཁོར
168a4 འདས་གཉིས་སྣང་རྫོགས།། ཐམས་ཅད་སྐྱེས་འབྱུང་འཁོར་བའི་ས་བོན་རྫོགས།། བྱས་པས་མ་ཟིན་འཁོར་བའི་ལས་རྣམས་རྫོགས།། བསྒྲུབས་པས་མི་འགྲུབ་ཡིད་སྨོན་རེ་དོགས་རྫོགས།། ཕྱི་ནང་དགག་བསྒྲུབ་སྤང
168a5 ལེན་གཟུང་འཛིན་གཉིས་སྣང་རྫོགས།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས། འཁོར་བའི་ལས་རྣམས་རྫོགས་པའི་ལེའུ་སྟེ་བརྒྱ་དང་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། བརྒྱད
168a6 ཁྲི་བཞི་སྟོང་ཇི་ལྟར་རྫོགས།། ཞེས་གསོལ་པ་དང་། ཀུན་ཏུ་བཟང་པོས་འདི་སྐད་གསུངས།། བརྒྱད་ཁྲི་བཞི་སྟོང་ཐེག་པ་ཡང་།། ང་ཡི་སྤྱི་ཏི་ཡོ་གར་རྫོགས།། ཐེག་པ་རིམ་དགུའི་ལྟ་བ་གྲུབ་མཐའ་རྫོགས།། དཀྱིལ
iiif viewer powered by OpenSeadragon
