| e-texts navigator |
| Wylie |
167b1 ལ།། ཧཱ་ནི་སྣང་བའི་ཐབས་ཡིན་ནོ།། ཡོ་གས་གཉིས་མེད་རྩིས་གདབ་མེད།། བཞི་བཅུ་རྩ་གཉིས་སེམས་ལ་རྫོགས།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུ་ལས། མ་ཧཱ་ཡོ་གའི་རྫོགས་ལུགས་བསྟན་པའི་ལེའུ
167b2 སྟེ་བརྒྱ་ཐམ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ཨ་ནུ་ཡོ་ག་ཇི་ལྟར་རྫོགས།། ཞེས་ཞུས་པ་དང་། ཀུན་ཏུ་བཟང་པོས་བཀའ་སྩལ་པ།། ཨ་ནུ་ཡོ་གའི་རྫོགས
167b3 ལུགས་ནི།། ཨ་ནི་སྐྱེ་མེད་བྱང་ཆུབ་སེམས།། ནུ་ནི་འགག་མེད་ཡེ་ཤེས་ཡིན།། ཡོ་ནི་སྣང་སྲིད་ཆོས་དབྱིངས་ལ།། ག་ནི་ཡེ་ཤེས་སྐྱེ་མེད་དོ།། དབྱིངས་དང་ཡེ་ཤེས་གཉིས་མེད་དེ།། ཆོས་ཉིད་བྱང་ཆུབ་སེམས་ལ
167b4 རྫོགས།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས།། ཨ་ནུ་ཡོ་ག་སེམས་ལ་རྫོགས་པའི་ལེའུ་སྟེ་བརྒྱ་དང་གཅིག་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད
167b5 ཞུས།། ཨ་ཏི་ཡོ་གའི་ཐེག་པ་ཇི་ལྟར་རྫོགས།། ཞེས་གསོལ་པ་དང་།། ཀུན་ཏུ་བཟང་པོས་བཀའ་སྩལ་པ།། ཨ་ཏི་ཡོ་ག་རྫོགས་ལུགས་ནི།། ཨ་ནི་མ་སྐྱེས་སྙིང་པོའི་ཀློང་།། ཏི་ནི་བསྟན་པ་མི་འགྱུར་བ།། ཡོ་ནི་ཐེག
167b6 པ་སྤྱི་བསྡུས་ཡིན།། ག་ནི་འགྱུར་མེད་ཆོས་ཀྱི་སྐུ།། ཐེག་པ་རྫོགས་པ་ཆེན་པོའོ།། རྫོགས་པ་འཁོར་འདས་སྣང་སྲིད་རྫོགས།། ཆེན་པོ་འགྲན་ཟླ་མེད་པས་ཆེ།། རྫོགས་ཆེན་བྱང་ཆུབ་སེམས་ལ་རྫོགས།། ཞེས་གསུངས
iiif viewer powered by OpenSeadragon
