| e-texts navigator |
| Wylie |
167a1 སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། གསང་སྔགས་ཕྱི་རྒྱུད་ཇི་ལྟར་རྫོགས།། ཞེས་ཞུས་པ་དང་།། ཀུན་ཏུ་བཟང་པོས་བཀའ་སྩལ་པ།། ཀྲི་ཡའི་ཐེག་པའི་རྫོགས་ལུགས་ནི།། ཀྲི་ནི
167a2 སྙིང་པོའི་ཀློང་ན་འགྱུར་མེད་ཀྲི།། ཡ་ནི་སྐྱེ་བ་མེད་པའི་ཡ།། ཐེག་པ་བརྟན་ཞིང་མི་འགྱུར་བའོ།། ཕྱི་དག་ནང་དག་གསང་བ་དག། ཀྲི་ཡའི་ཐེག་པ་སེམས་ལ་རྫོགས།། ཨུ་པ་ཡ་ཡི་ཐེག་པའི་རྫོགས་ལུགས་ནི།། ཨུ་ནི
167a3 སྐྱེ་བ་མེད་པ་ཡིན།། པ་ནི་འགག་པ་མེད་པ་ཡིན།། ཡ་ནི་ཡང་བལྟ་མར་སྤྱོད་སྐྱེ་འགག་མེད།། ཨུ་པ་བྱང་ཆུབ་སེམས་ལ་རྫོགས།། ཡོ་གའི་ཐེག་པའི་རྫོགས་ལུགས་ནི།། ཡོ་ནི་མ་ལུས་ཀུན་གཞིའི་ཀློང་།། ག་ནི་སྣང
167a4 ཚུལ་ཀློང་དུ་ཐིམ།། སྐྱེ་འགག་གཉིས་མེད་དབྱེ་གསལ་མེད།། སུམ་བཅུ་རྩ་ལྔའི་ལྷ་ཚོགས་རྣམས།། ཆོས་ཉིད་བྱང་ཆུབ་སེམས་ལ་རྫོགས།། ཕྱི་རྒྱུད་སྡེ་གསུམ་སེམས་ལ་རྫོགས།། ཞེས་གསུངས་སོ།། སྣང་སྲིད་ཁ་སྦྱོར
167a5 གྱི་རྒྱུད་ལས། ཕྱི་རྒྱུད་སྡེ་གསུམ་རྫོགས་པའི་ལེའུ་སྟེ་གོ་དགུ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ནང་རྒྱུད་སྡེ་གསུམ་བསྟན་པ་ཡི།། དེ་ཡི་རྫོགས་ལུགས་ཇི་ལྟར
167a6 ལགས།། ཞེས་ཞུས་སོ།། ཀུན་ཏུ་བཟང་པོས་བཀའ་སྩལ་པ།། མ་ཧ་ཡོ་གའི་རྫོགས་ལུགས་ནི།། མ་ནི་སྙིང་པོ་དོན་གྱི་མ།། ཧཱ་ནི་རྩལ་སྣང་བུ་ཡིན་ཏེ།། མ་འགགས་བུ་ཡི་ལྷ་ཚོགས་རྣམས།། མ་ནི་སྐྱེ་མེད་ཆོས་ཉིད
iiif viewer powered by OpenSeadragon
