| e-texts navigator |
| Wylie |
166b1 སྩལ་པ།། སྣང་བ་མ་འགགས་རང་སྣང་ཆོས་ཀྱི་དབྱིངས།། རིག་པ་མ་འགགས་རང་བྱུང་ཡེ་ཤེས་སོ།། ཕྱི་ནང་གཉིས་མེད་དབྱེར་མེད་ཡེ་ཤེས་སོ།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས། མ་འགགས
166b2 རང་སྣང་བའི་ལེའུ་སྟེ་གོ་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་གསོལ།། མཚན་ཉིད་སྡེ་གསུམ་ཇི་ལྟར་རྫོགས།། ཀུན་ཏུ་བཟང་པོས་བཀའ་སྩལ་པ།། མཚན་ཉིད་སྡེ
166b3 གསུམ་རྫོགས་ལུགས་ནི།། དེ་ལ་ཉན་ཐོས་རྫོགས་ལུགས་ནི།། ཉན་ནི་སྐྱེ་མེད་དོན་ལ་གནས།། ཐོས་ནི་འགྱུར་བ་མེད་པར་ཐོས།། གཟུང་འཛིན་གཉིས་མེད་དབྱེ་བསལ་མེད།། དེ་ཕྱིར་ཉན་ཐོས་སེམས་ལ
166b4 རྫོགས།། རང་རྒྱལ་རྫོགས་པའི་རྫོགས་ལུགས་ནི།། རང་ནི་ངང་དངས་ཆོས་ཀྱི་སྐུ།། རྒྱལ་ནི་ཆགས་སྡང་གཉིས་ལས་རྒྱལ།། དགག་བསྒྲུབ་གཉིས་མེད་བྱང་ཆུབ་སེམས།། དེ་ཕྱིར་རང་རྒྱལ་སེམས་ལ་རྫོགས།། མདོ
166b5 སྡེ་བྱང་སེམས་རྫོགས་ལུགས་ནི།། མདོ་ནི་ཐེག་པའི་སྤྱི་མདོ་སྟེ།། སྡེ་ནི་སེམས་ཀྱི་རྣམ་གྲངས་ཏེ།། བྱང་ནི་འུབ་ཆུབ་ཀློང་དུ་བྱང་།། སེམས་ནི་འགྱུར་མེད་དོན་ལ་སེམས།། ཐེག་ནི་བརྒྱད་ཁྲི་བཞི་སྟོང་ཐེག། པ་ནི་སྠི་ཏི
166b6 ཡོ་གར་པ།། དེ་ཕྱིར་མདོ་སྡེ་སེམས་ལ་རྫོགས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས་ཀྱི་རྒྱུད་ལས། མཚན་ཉིད་སྡེ་གསུམ་སྤྱི་ཏིར་བསྟན་པའི་ལེའུ་སྟེ་གོ་བརྒྱད་པའོ།། །། དེ་ནས་རྡོ་རྗེ
iiif viewer powered by OpenSeadragon
