| e-texts navigator |
| Wylie |
166a1 ཕྱིར་འབྲང་བའི་འདུན་པ་དེ་ནི་རྣལ་འབྱོར་ཡིན།། ཆགས་སྡང་ལྔ་ལ་སྤྱོད་ཅིང་ཆགས།། དམ་པའི་རྣལ་འབྱོར་ཡང་མ་ཡིན།། ཡང་དག་དོན་གྱི་རྣལ་འབྱོར་ནི།། རྣལ་ནི་སྐྱེ་མེད་འགྱུར་མེད་རྣལ།། འབྱོར
166a2 ནི་སྙིང་པོའི་ཀློང་དུ་འབྱོར།། རྣལ་ནི་གཞི་གནས་རང་བཞག་པ།། འབྱོར་ནི་ཆོས་ཉིད་ཀློང་དུ་འབྱོར།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས། རྣལ་འབྱོར་སེམས་ལ་རྫོགས་པའི་ལེའུ་སྟེ་གོ་ལྔ
166a3 པའོ།། །། དེ་ནས་རྡོ་རྗེ་སེམས་དཔའ་ཡིས། ཀུན་བཟང་ཉིད་ལ་འདི་སྐད་ཞུས།། སྒོ་ལྔ་ཟང་ཐལ་ཇི་ལྟར་ལགས།། ཞེས་གསོལ་པ་དང་།། ཀུན་ཏུ་བཟང་པོས་འདི་སྐད་གསུངས།། སྒོ་ལྔ་ཡེ་ཤེས་ཟང་ཐལ
166a4 ནི།། གསལ་འགྲིབ་མེད་པའི་ཡེ་ཤེས་ནི།། མིག་གི་རྣམ་ཤེས་ཟང་ཐལ་ཡིན།། དྲི་མ་མེད་པའི་ཡེ་ཤེས་ནི།། སྣ་ཡི་རྣམ་ཤེས་ཟང་ཐལ་ཡིན།། སྒྲིབ་པ་མེད་པའི་ཡེ་ཤེས་ནི།། རྣ་བའི་རྣམ་ཤེས་ཟང་ཐལ་ཡིན།། འགྱུར
166a5 བ་མེད་པའི་བྱང་ཆུབ་སེམས།། ལྕེ་ཡི་རྣམ་ཤེས་ཟང་ཐལ་ཡིན།། སྐྱེ་འཇིག་མེད་པའི་བྱང་ཆུབ་སེམས།། ལུས་ཀྱི་རྣམ་ཤེས་ཟང་ཐལ་ཡིན།། སྒོ་ལྔ་བྱང་ཆུབ་སེམས་སུ་རྫོགས།། ཞེས་གསུངས་སོ།། སྣང་སྲིད་ཁ་སྦྱོར
166a6 གྱི་རྒྱུད་ལས། སྒོ་ལྔ་ཟང་ཐལ་གྱི་ལེའུ་སྟེ་གོ་དྲུག་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། འགག་མེད་ཡེ་ཤེས་ཇི་ལྟར་ལགས།། ཀུན་ཏུ་བཟང་པོས་འཁོར་ལ་བཀའ
iiif viewer powered by OpenSeadragon
