| e-texts navigator |
| Wylie |
164a1 ཡིན།། ང་ནི་སྐྱེ་མེད་བྱང་ཆུབ་སེམས།། རྒྱལ་ནི་འཁོར་བའི་དམག་ལས་རྒྱལ།། དེ་ཕྱིར་སེམས་ཉིད་ང་རྒྱལ་ཡིན།། ཕྲག་ནི་འགྱུར་མེད་དབྱིངས་ཀྱི་ཕྲག། དོག་ནི་ཆགས་སྡང་ལྔ་ལ་དོག། དེ་ཕྱིར་སེམས
164a2 ཉིད་ཕྲག་དོག་ཡིན།། དུག་ལྔ་སྐྱེ་མེད་བྱང་ཆུབ་སེམས།། ཞེས་གསུངས་སོ།། སྣང་སྲིད་ཁ་སྦྱོར་གྱི་རྒྱུད་ལས། དུག་ལྔ་ཆོས་ཉིད་དུ་འགྲོལ་བའི་ལེའུ་སྟེ་གྱ་དགུ་པའོ།། །། དེ་ནས་རྡོ་རྗེ་སེམས་དཔའ
164a3 ཡིས།། ཀུན་བཟང་ཉིད་ལ་འདི་སྐད་ཞུས།། འབྱུང་ལྔ་སེམས་སུ་ཇི་ལྟར་གྲོལ།། ཞེས་ཞུས་པ་དང་།། ཀུན་ཏུ་བཟང་པོས་བཀའ་སྩལ་པ།། འབྱུང་ལྔ་སེམས་ཉིད་གྲོལ་བ་ནི།། ནམ་ནི་སྐྱེ་བ་མེད་པའི་ནམ།། མཁའ་ནི
164a4 འགག་པ་མེད་པའི་མཁའ།། སྐྱེ་འགག་གཉིས་སུ་མེད་པའི་བྱང་ཆུབ་སེམས།། དེ་ཕྱིར་སེམས་ཉིད་ནམ་མཁའ་ཡིན།། ས་ནི་ཀུན་གཞི་སེམས་ཀྱི་གཞི།། སྣ་ཚོགས་ཐམས་ཅད་སྐྱེ་འབྱུང་ཡང་།། ཆོས་ཉིད་རང་བཞིན་སྲ
164a5 ཞིང་བརྟན།། དེས་ན་སེམས་ཉིད་ས་ཡང་ཡིན།། བྱང་ཆུབ་སེམས་ཀྱིས་མེ་ཆེན་གྱིས།། ཉོན་མོངས་དུག་ལྔའི་བུད་ཤིང་བསྲེག། དེ་ཕྱིར་སེམས་ཉིད་མེ་ཡང་ཡིན།། ཆོས་ཉིད་རླན་དང་མ་བྲལ་ཆུ།། གཉིས་མེད་སྡུད་པར
164a6 བྱེད་པས་ཆུ་ཡང་ཡིན།། དེ་ཕྱིར་སེམས་ཉིད་ཆུ་ལྟར་སྣང་།། རང་བྱུང་རྩལ་གྱི་རླུང་ཆེན་གྱིས།། ཉོན་མོངས་བརྒྱད་ཁྲི་ཕྱགས་མས་བཏབ།། རྣམ་པར་རྟོག་པ་རླུང་ལ་བསྐུར།། དེ་ཕྱིར་སེམས་ཉིད་རླུང་ཡང་ཡིན།། འབྱུང
iiif viewer powered by OpenSeadragon
