| e-texts navigator |
| Wylie |
163b1 སྩལ་པ།། མ་ནོར་ངེས་པའི་གདམས་ངག་ནི།། མཚོན་དུ་མེད་པའི་བྱང་ཆུབ་སེམས།། སྒྲ་བརྗོད་མེད་པའི་ངང་ལ་ཞོག། བསྟན་དུ་མེད་པའི་བྱང་ཆུབ་སེམས།། བློ་ལས་འདས་པའི་ངང་དུ་ཞོག། བལྟ་རུ་མེད་པའི་བྱང
163b2 ཆུབ་སེམས།། བལྟ་བྱ་ལྟ་བྱེད་མེད་པའི་ངང་ལ་ཞོག། བསམ་དུ་མེད་པའི་བྱང་ཆུབ་སེམས།། བསྒོམ་དུ་མེད་པའི་ངང་ལ་ཞོག། སྤྱད་དུ་མེད་པའི་བྱང་ཆུབ་སེམས།། བྱ་བཙལ་མེད་པའི་ངང་ལ་ཞོག། བསྒྲུབ་ཏུ་མེད
163b3 པའི་བྱང་ཆུབ་སེམས།། ངང་དངས་རང་སངས་ངང་ལ་ཞོག། རེ་དོགས་བསྒྲུབ་མེད་ངང་ལ་ཞོག། སྤྲོས་པ་མེད་པའི་བྱང་ཆུབ་སེམས།། སྤྲོས་བྲལ་ཆེན་པོའི་ངང་ལ་ཞོག། སྣང་སྲིད་ཁ་སྦྱོར་བདུད་རྩི་བཅུད་ཐིགས།།
163b4 འཁོར་བ་ཐོག་མཐའ་གཅོད་པའི་རྒྱུད་ལས། མ་ནོར་ངེས་པའི་གདམས་ངག་བསྟན་པའི་ལེའུ་སྟེ་གྱ་བརྒྱད་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། དུག་ལྔ་སེམས་སུ
163b5 ཇི་ལྟར་དགྲོལ།། ཞེས་གསོལ་པ་དང་།། ཀུན་ཏུ་བཟང་པོས་བཀའ་སྩལ་པ།། དུག་ལྔ་སེམས་སུ་དགྲོལ་བ་ནི།། གཏི་ནི་ཆོས་ཉིད་བསྟན་པ་ལ།། མུག་ནི་མཚན་མའི་ཆོས་ལ་མུག། དེ་ཕྱིར་སེམས་ཉིད་གཏི་མུག
163b6 གོ།། འདོད་ནི་ཆོས་སྐུ་སྐྱེ་མེད་འདོད།། ཆགས་ནི་བདེ་ཆེན་ཀློང་དུ་ཆགས།། དེས་ན་སེམས་ཉིད་འདོད་ཆགས་ཡིན།། ཞེ་ནི་ཆོས་ཉིད་དབྱིངས་ནས་ཞེ།། སྡང་ནི་འཁོར་བའི་ཆོས་ལ་སྡང་།། དེ་ཕྱིར་སེམས་ཉིད་ཞེ་སྡང
iiif viewer powered by OpenSeadragon
