| e-texts navigator |
| Wylie |
162b1 སྩལ་པ།། མ་ནོར་སེམས་ཉིད་རང་བཞིན་ནི།། བཅོས་པ་མེད་པའི་སེམས་ཉིད་དེ།། སོ་མ་རང་ལུགས་གྱི་ནར་འདུའོ།། བདག་འཛིན་བྲལ་བའི་སེམས་ཉིད་དེ།། འཛིན་མེད་གསལ་དངས་སངས་རྒྱས་སོ།། རྟགས
162b2 སྣང་གྲོལ་བའི་སེམས་ཉིད་དེ།། མ་ནོར་རྣམ་དག་ཡེ་ཤེས་སོ།། བློས་བཅུག་ཡིད་སྨོན་སངས་པ་དེ།། ཡིད་སྨོན་མེད་པའི་སེམས་ཉིད་དོ།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག
162b3 མཐའ་གཅོད་པའི་རྒྱུད་ལས། མ་ནོར་སེམས་ཉིད་བསྟན་པའི་ལེའུ་སྟེ་གྱ་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། སེམས་ཀྱི་སྣང་ཚུལ་ཇི་ལྟར་ལགས།། ཀུན
162b4 ཏུ་བཟང་པོས་བཀའ་སྩལ་པ།། སེམས་ཀྱིས་སྣང་ཚུལ་བསམ་ཡས་ཏེ།། འཁོར་འདས་གཉིས་ཀྱང་སེམས་ཀྱི་སྣང་ཚུལ་ཡིན།། སངས་རྒྱས་སེམས་ཅན་སེམས་ཀྱི་སྣང་ཚུལ་ཡིན།། སྣང་སྲིད་སྣོད་བཅུད་སེམས་ཀྱི་སྣང
162b5 ཚུལ་ཡིན།། སྐྱེ་འགྲོ་གཟུགས་བསྡུས་སེམས་ཀྱི་སྣང་ཚུལ་ཡིན།། བརྒྱད་ཁྲི་བཞི་སྟོང་སེམས་ཀྱི་སྣང་ཚུལ་ཡིན།། ཐེག་པ་རིམ་དགུ་སེམས་ཀྱི་སྣང་ཚུལ་ཡིན།། རྟོགས་དང་མ་རྟོགས་སེམས་ཀྱི་སྣང་ཚུལ་ཡིན།། རིག
162b6 དང་མ་རིག་སེམས་ཀྱི་སྣང་ཚུལ་ཡིན།། ཐམས་ཅད་གཉིས་མེད་དབྱེ་བསལ་མེད་པ་ལ།། མ་རིག་འཁྲུལ་པའི་བློ་ལ་གཉིས་སུ་སྣང་།། ཤེས་ལ་རྟོགས་ན་རང་བཞིན་ཡོངས་ཀྱིས་མཉམ།། སེམས་ཀྱི་སྣང་ཚུལ་བསམ
iiif viewer powered by OpenSeadragon
