| e-texts navigator |
| Wylie |
162a1 ཉིད་ལ་འདི་སྐད་ཞུས།། མྱང་འདས་མ་ནོར་ཇི་ལྟར་ལགས།། ཞེས་གསོལ་པ་དང་།། ཀུན་ཏུ་བཟང་པོས་བཀའ་སྩལ་པ།། མ་ནོར་ངེས་པའི་མྱང་འདས་ནི།། སྐྱེ་འབྱུང་ཀུན་གཞིའི་ཀློང་དུ་འདུས།། ཡན
162a2 ལག་བུ་ཡི་ཤེས་པ་རྣམས།། སྙིང་པོ་མ་ཡི་ཀློང་དུ་འདུས།། མཚན་ཉིད་སྣང་ཚུལ་རྩལ་སྣང་རྣམས།། སྟོང་ཉིད་མཁའ་ཀློང་དབྱིངས་སུ་འདུས།། སེམས་ཀྱི་སྣང་ཚུལ་སྣ་ཚོགས་བརྟགས་ཞེན་རྣམས།། ཆོས་ཉིད་བྱང
162a3 ཆུབ་སེམས་སུ་འདུས།། བློ་ལ་སྣང་བའི་ཐེ་ཚོམ་རྣམས།། ཀུན་གཞི་ནམ་མཁའི་ཀློང་དུ་འདུས།། མ་རིག་དངོས་པོ་རིག་པར་འདུས།། སྣང་བའི་ངོ་བོ་སྟོང་པར་འདུས།། གཉིས་སྣང་ཐམས་ཅད་གཉིས་མེད
162a4 འདུས།། བདག་འཛིན་ཐམས་ཅད་འཛིན་མེད་འདུས།། ཕྱོགས་རིས་ཐམས་ཅད་ཞེན་མེད་འདུས།། ཞེན་ཆགས་ཐམས་ཅད་ཞེན་མེད་འདུས།། ཁམས་གསུམ་འཁོར་བའི་སྡུག་བསྔལ་རྣམས།། མྱ་ངན་འདས་པའི་ཀློང
162a5 དུ་འདུས།། སེམས་ཅན་ངན་རྟོག་བདག་འཛིན་རྣམས།། སངས་རྒྱས་བདེ་ཆེན་དབྱིངས་སུ་འདུས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། མ་ནོར
162a6 ངེས་པར་མྱ་ངན་ལས་འདས་པའི་ལེའུ་སྟེ་གྱ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་གསོལ།། མ་ནོར་སེམས་ཉིད་ཇི་ལྟར་ལགས།། ཀུན་ཏུ་བཟང་པོས་བཀའ
iiif viewer powered by OpenSeadragon
