| e-texts navigator |
| Wylie |
161b1 པ་དང་།། ཀུན་ཏུ་བཟང་པོས་བཀའ་སྩལ་པ།། ཀུན་ནི་སྣང་སྲིད་འཁོར་འདས་ཡིན།། གཞི་ནི་བྱང་ཆུབ་སེམས་ཡིན་ནོ།། ཀུན་ནི་སྐྱེ་འགྲོ་གཟུགས་བསྡུས་ཡིན།། གཞི་ནི་སེམས་ཀྱི་འབྱུང་གཞི་ཡིན།། ཀུན་ནི་འབྱུང
161b2 སྣང་ཆོས་ལ་བྱ།། གཞི་ནི་ཐོག་མའི་གཞི་ལ་བྱ།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། ཀུན་གཞིའི་ངེས་ཚིག་བསྟན་པའི་ལེའུ་སྟེ་གྱ་གཉིས
161b3 པའོ།། །། དེ་ནས་རྡོ་རྗེ་སེམས་དཔའ་ཡི།། ཀུན་བཟང་ཉིད་ལ་འདི་སྐད་ཞུས།། མ་ནོར་སངས་རྒྱས་ཇི་ལྟར་ལགས།། ཞེས་ཞུས་པ་དང་།། ཀུན་ཏུ་བཟང་པོས་བཀའ་སྩལ་པ།། མ་ནོར་སངས་རྒྱས་ངོ་བོ
161b4 ནི།། བསྒྲུབས་པས་སངས་རྒྱས་མི་འགྲུབ་ཀྱི།། སེམས་ལ་སངས་རྒྱས་ཡེ་ནས་གྲུབ།། གྲུབ་ཟིན་དོན་ལས་མ་གཡོས་ན།། ཐུན་མོང་རྩོལ་བསྒྲུབ་བྱ་མི་དགོས།། དྲང་པོར་འདུག་ལ་ལྷུན་གྲུབ་ལྟོས།། བལྟས་པས་མཐོང
161b5 བ་གཅིག་ཀྱང་མེད།། མེད་པ་དེ་ཀ་མཐོང་བ་ཡིན།། མ་རིག་འཁོར་བའི་མུན་པ་སངས།། ཡེ་ཤེས་རིག་པའི་འཆར་སྒོ་རྒྱས།། བདག་འཛིན་ཉོན་མོངས་འགྱུ་མཁན་སངས།། འཛིན་མེད་ཡེ་ཤེས་རྣམ་དག་རྒྱས།། ཞེས
161b6 གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། མ་ནོར་སངས་རྒྱས་བསྟན་པའི་ལེའུ་སྟེ་གྱ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང
iiif viewer powered by OpenSeadragon
