| e-texts navigator |
| Wylie |
161a1 ཞུས་པ་དང་། དེ་ནས་སྟོན་པས་འཁོར་ལ་འདི་སྐད་གསུངས།། རང་ནི་ཐོག་མའི་ཡེ་ཡོད་གཞི།། བྱུང་ནི་ཡིད་ཙམ་ཡོད་དེ་ཙམ།། རང་ནི་དངོས་མེད་ཀུན་ཁྱབ་གཞི།། བྱུང་ནི་གཞི་ལ་གནས་པའི
161a2 རླུང་།། རང་ནི་ཡིད་ཙམ་གཡོ་བའི་གཞི།། བྱུང་ནི་བག་ཙམ་འགྱུར་བས་བྱུང་།། རང་ནི་ཀུན་གཞི་སྤྱི་ཁྱབ་སྟེ།། བྱུང་ནི་རང་སྣང་འོད་ལྔར་བྱུང་།། རང་ནི་འོད་ཀྱི་དཀྱིལ་འཁོར་སྟེ།། བྱུང་ནི་འོད་གསལ་ཟེར་ལྔར
161a3 བྱུང་།། རང་ནི་ཟེར་ལྔའི་རང་བཞིན་ཏེ།། བྱུང་ནི་ཤེས་པའི་སྣང་ཚུལ་ལྔ།། རང་ནི་ཡེ་ཡི་ཤེས་པ་སྟེ།། བྱུང་ནི་གནས་པའི་དོན་མ་རིག། ཡེ་དོན་མ་ཤེས་དོན་མ་ཤེས།། དེ་ཕྱིར་མ་རིག་འཁྲུལ་པར་གསུངས།། རང་ནི
161a4 མ་རིག་འཁྲུལ་པའི་སྒོ།། བྱུང་ནི་རིག་ཡིད་སེམས་ཡིད་བྱུང་།། རང་ནི་འཁྲུལ་ལུགས་རྣམ་གསུམ་སྟེ།། བྱུང་ནི་རིགས་དྲུག་ཁམས་གསུམ་འཁོར་བ་བྱུང་།། རང་ནི་རང་གི་སེམས་ཡིན་ཏེ།། བྱུང་ནི་རྟོག་ཚོགས་བརྒྱད་ཁྲི
161a5 བཞི་སྟོང་བྱུང་།། རང་ནི་མ་རྟོགས་འཁོར་བའི་སེམས།། བྱུང་ནི་ཉོན་མོངས་བརྒྱད་ཁྲི་བཞི་སྟོང་བྱུང་།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། རང
161a6 བྱུང་གི་ངེས་ཚིག་མ་རྟོགས་འཁོར་བ་བྱུང་ཞིང་འཁྱམས་པས་ལེའུ་སྟེ་གྱ་གཅིག་པའོ།། །། དེ་ནས་རྡོ་རྗེ་སེམས་དཔའ་ཡིས། ཀུན་བཟང་ཉིད་ལ་འདི་སྐད་ཞུས།། ཀུན་གཞིའི་དོན་ནི་ཇི་ལྟར་ལགས།། ཞེས་ཞུས
iiif viewer powered by OpenSeadragon
