| e-texts navigator |
| Wylie |
160a1 སྐུ་དངོས་པོ་མེད་པ་ཡིན།། ཆོས་སྐུ་དམིགས་པའི་ཡུལ་ལས་འདས།། ཆོས་སྐུ་རྒྱུ་རྐྱེན་འཕོ་འགྱུར་མེད།། ཆོས་སྐུ་རྩོལ་བསྒྲུབ་བྱ་བཙལ་མེད།། ཆོས་སྐུ་བརྗོད་པའི་ཡུལ་ལས་འདས།། ཚིག་དང་ཡི་གེ
160a2 ཆོས་སྐུ་མཚོན་དུ་མེད།། ཐུགས་རྗེ་ཀུན་ལ་ཁྱབ་ཀྱང་ངོས་བཟུང་གཅིག་ཀྱང་མེད།། ཆོས་སྐུ་རྩོལ་བསྒྲུབ་སྤང་ལེན་མཐའ་དང་བྲལ།། ཆོས་སྐུ་མི་བསྒྲུབ་རང་སེམས་ཆོས་ཀྱི་སྐུ།། ཞེས་གསུངས་སོ།། སྣང་སྲིད་ཁ་སྦྱོར
160a3 བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། ཆོས་སྐུའི་ངེས་ཚིག་བསྟན་པའི་ལེའུ་སྟེ་དོན་བརྒྱད་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། བྱང
160a4 ཆུབ་དོན་འདི་བཤད་དུ་གསོལ།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། བྱང་ནི་ཡུལ་སེམས་གཉིས་མེད་བྱང་།། ཆུབ་ནི་དབྱེར་མེད་ཆེན་པོར་ཆུབ།། བྱང་ནི་ནང་གི་རྣམ་རྟོག་བྱང་།། ཆུབ་ནི་སྤྲོས
160a5 པ་ཐད་ཀར་ཆུབ།། བྱང་ནི་གཟུང་འཛིན་གཉིས་སྣང་བྱང་།། ཆུབ་ནི་གཟུང་འཛིན་མེད་པར་ཆུབ།། བྱང་ནི་མཚན་མའི་རྣམ་རྟོག་བྱང་།། ཆུབ་ནི་མཚན་མ་མེད་པར་ཆུབ།། བྱང་ནི་བརྟགས་ཚད་ཞེན་ཚད་འགྱུ་ཚད
160a6 བྱང་།། ཆུབ་ནི་བརྗོད་མེད་ཀློང་དུ་ཆུབ།། བྱང་ནི་དུག་ལྔ་དུག་གསུམ་བྱང་།། ཆུབ་ནི་སྐུ་ལྔ་ཡེ་ཤེས་ལྔ།། བྱང་ནི་རྟོག་ཚོགས་ཇི་སྙེད་བྱང་།། ཆུབ་ནི་རྟོག་མེད་ཡེ་ཤེས་ཆེན་པོར་ཆུབ།། ཅེས་གསུངས་སོ།། སྣང་སྲིད་ཁ
iiif viewer powered by OpenSeadragon
