| e-texts navigator |
| Wylie |
15b1 ཡི་སྒྲོ་སྐུར་བྲལ་བས་རིག་པ་གསལ།། དེ་ལྡན་ཆོས་སྐུ་གཞི་ངེས་ཡིན་པར་བཤད།། དེ་ཡང་འཁོར་གྱི་རྡོ་རྗེ་སེམས་དཔའ་ཉོན།། ངེས་པའི་གདེང་ཆེན་བལྟ་བསྒོམ་སྤྱོད་པ་དང་།། འབྲས་བུ་འབྱུང་མེད་ཡིད་ཆེས་གདེང
15b2 ལྡན་པས།། དེ་ལ་ལྟ་བའི་གདེང་གིས་ངེས་པའི་དོན།། ཟིན་ཕྱིར་ཀུན་བཟང་ཡེ་ཤེས་རྒྱལ་བའི་ཐུགས།། དགེ་ལ་དད་ཅིང་མོས་པའི་རྒྱུ་མི་དམིགས།། བསྒོམ་པའི་གདེང་ཆེན་དོན་ལས་མ་ཡེངས་ན།། ཆེད་དུ་གཏད་ལ
15b3 བསྒོམ་ནི་མི་དགོས་པས།། རང་བྱུང་གདོད་ནས་སྙིང་པོ་སྐྱེ་འགག་མེད།། དེ་ཕྱིར་རང་གསལ་ཡེ་ཤེས་ཆོས་ཀྱི་སྐུ།། འཁོར་འདས་ཆོས་ལ་སྤྱོད་པའི་གདེང་ལྡན་ཕྱིར།། ཅི་སྤྱོད་དོན་ལྡན་ཚམ་ཚོམ་མེད་པར
15b4 བསྟན།། ཉམ་ང་མེད་པར་བརྟུལ་ཞུགས་མཆོག་སྤྱོད་པ།། ཡེ་ཤེས་འབྲལ་མེད་སངས་རྒྱས་དགོངས་པ་ཡིན།། དེ་ཡི་འབྲས་བུ་ངེས་པའི་ཆོས་ཉིད་དེ།། སྡུག་བསྔལ་མི་འབྱུང་མྱ་ངན་འདས་པ་སྟེ།། སྐྱེ་འཆི་མེད་པའི་ཡེ
15b5 ཤེས་རིག་པའི་སྐུ།། དེ་ཕྱིར་ད་ལྟ་ཆོས་སྐུ་ཁ་མིག་ཅན།། རྫོགས་པ་ཆེན་པོ་མ་རིག་མུན་པ་སེལ་བར་བྱེད་པ་ཡེ་ཤེས་གཏིང་ནས་རྫོགས་པའི་རྒྱུད་ལས། ངོ་བོ་ཉིད་ཀྱི་ལྷུན་གྲུབ་རང་གཞུང་བསྟན་པའི་ལེའུ་སྟེ་བཅུ་དགུ
15b6 པའོ།། །། དེ་ནས་འདུས་པའི་འཁོར་ལ་བཀའ་སྩལ་པ།། སེམས་ཅན་མ་འཁྲུལ་སངས་རྒྱས་མེད་པའི་གོང་།། ངོ་བོ་ཉིད་ཀྱི་སྐུ་ལ་རང་བྱུང་སེམས།། དེ་ཉིད་དོན་གྱི་གནས་ལུགས་ཡིན་པའི་ཕྱིར།། དེ་རྟོགས
iiif viewer powered by OpenSeadragon
