| e-texts navigator |
| Wylie |
15a1 དག། དཔེར་ན་ཡིད་བཞིན་ནོར་བུ་རིན་ཆེན་ལྟར།། སྲིད་པ་དག་གི་ལས་ཀྱི་བར་དོ་རུ།། སངས་རྒྱས་འབྱུང་བའི་དུས་ཀྱི་མན་ངག་གིས།། མཐར་ཟུག་འབྲས་བུ་ངེས་པའི་ཡོན་ཏན་འབྱུང་།། ཕྱིས་ནི་སྐྱེ
15a2 བ་གཞན་དུ་ལེན་མི་སྲིད།། དེ་ཡང་འདུས་པའི་འཁོར་རྣམས་ལེགས་པར་ཉོན།། གཡུལ་ངོ་ལེགས་པར་རྒྱལ་བའི་དཔའ་བོ་བཞིན།། བདག་གཞན་རྩོད་པ་བྱེད་པ་ཀུན་ལས་རྒྱལ།། གལ་མེད་རྩོད་པའི་ཚིག་གིས་མན
15a3 ངག་གི།། རང་གཞུང་ཟབ་པར་ངེས་པའི་ཁྱད་ཆེན་འཕགས།། དེ་ཕྱིར་འཇིག་རྟེན་གསུམ་ན་འགྲན་ཟླ་མེད།། དེ་ཡང་འདུས་པའི་རྡོ་རྗེ་སེམས་དཔའ་ཉོན།། དེ་ཡང་གདམས་ངག་དོན་བསྟན་འབྲས་བུ་ཡང་།། ཕྱི་མ
15a4 མ་ཡིན་དུས་འདི་ཉིད་དུ་རྟོགས།། དེ་ཕྱིར་འབྲས་བུ་ངེས་པའི་སངས་རྒྱས་ཐོབ།། ཆེ་བའི་ཡོན་ཏན་ལྷུན་གྱིས་ཐམས་ཅད་རྫོགས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ངེས་དོན་རྟོགས
15a5 པའི་འབྲས་བུ་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་འདུས་པའི་འཁོར་ལ་བཀའ་སྩལ་པ།། རང་སེམས་ངོ་བོ་ཉིད་ཀྱིས་ལྷུན་གྲུབ་ནི།། ཆོས་རྣམས་ཀུན་གྱི་རྩ་བ་རང་རིག་སྐུ།། དེ་ཉིད་ཡེ་ཤེས
15a6 ཆོས་སྐུར་བལྟ་བའི་ཕྱིར།། རྒྱལ་བའི་ཐུགས་ནས་དམྱལ་བ་ཡན་ཆོད་ཀྱི།། ཀུན་གྱི་གཞི་ནི་རང་བྱུང་ངོ་བོ་ཉིད།། རང་སེམས་གཉུག་མར་གནས་པ་འདི་ཉིད་ནི།། རྒྱུ་རྐྱེན་མ་བསྐྱེད་ཡང་དག་ཡོད་པའི་ཕྱིར།། མཐའ
iiif viewer powered by OpenSeadragon
