| e-texts navigator |
| Wylie |
159b1 མ་བསྒོམས་ན་རྡོ་རྗེ་ཀུན་ཏུ་བཟང་པོ་ཡིན།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། ཆོས་ཉིད་གཏན་ལ་དབབ་པའི་ལེའུ་སྟེ་དོན་དྲུག
159b2 པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། སྙིང་པོའི་དོན་འདི་བཤད་དུ་གསོལ།། ཞེས་ཞུས་པ་དང་། ཀུན་བཟང་ཉིད་ཀྱིས་འདི་སྐད་གསུངས།། སྙིང་པོ་འདུས་མ
159b3 བྱས་པ་ཡིན།། སྙིང་པོ་སྐྱེ་མེད་འགྱུར་མེད་ཡིན།། སྙིང་པོ་སྐྱེ་མེད་ཆོས་ཀྱི་སྐུ།། སྙིང་པོ་སངས་རྒྱས་ཉག་གཅིག་ཡིན།། སྙིང་པོ་འགྱུར་བ་མེད་པ་ཡིན།། སྙིང་པོ་འགྱུར་མེད་གཡུང་དྲུང་གཉུག་མའི་ངང་།། སྙིང་པོ་འོད
159b4 གསལ་དྲི་མ་མེད།། སྙིང་པོ་ཀུན་གཞི་འདུས་མ་བྱས།། སྙིང་པོ་རིན་ཆེན་འོད་སྲུངས་ཡིན།། དཔེར་ན་མར་ཁལ་གཅིག་ལ་བཞུ་བཏུལ་བྱས་པས་བྲེ་བཞིར་འདུས་པ་མར་གྱི་སྙིང་པོ་ཡིན།། དེ་བཞིན་ཆོས་རྣམས་ཐམས
159b5 ཅད་ཀྱང་།། ཐམས་ཅད་གཅིག་ཏུ་འདུས་པའི་སྙིང་པོ་ཆོས་སྐུ་ཡིན།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། སྙིང་པོ་བཤད་པ་བསྟན་པའི་ལེའུ་སྟེ།
159b6 དོན་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ཆོས་སྐུའི་བཤད་ལུགས་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ་འདི་སྐད་གསུངས།། ཆོས
iiif viewer powered by OpenSeadragon
