| e-texts navigator |
| Wylie |
159a1 ཆོས་ཀྱི་སྒྲ།། མི་བཞི་ཡེ་ཤེས་རྣམ་པ་བཞི།། མི་གཅིག་ཆོས་དབྱིངས་ཡེ་ཤེས་སོ།། མ་རིག་པ་ཡི་མུན་ཁང་ཐིབ་པོ་ན།། མ་རིག་ལོང་མ་ཞེ་སྡང་ཕྲང་རྒྱལ་ཡོད།། མཐོ་ལ་སྒྲ་མཆུ་དམའ་ལ་སྨོད།། འཕྲད
159a2 ཚད་ཆགས་ལས་བ་སོགས་པའི་གཟའ་མི་ལྔ།། ཁམས་གསུམ་འཁོར་བར་བསྒྱུར་བའི་མཁན་པོ་ཡིན།། སྐྱེ་རྒས་ན་འཆིའི་སྡུག་བསྔལ་ལས་སུ་སྤྱོད།། སྡུག་བསྔལ་དེ་ལས་བཟློག་འདོད་ན།། མུན་པའི་སྒོ་ཕྱེ་གསལ
159a3 བའི་ཡེ་ཤེས་ཐོབ།། མ་རིག་མིག་ཕྱེ་ཡེ་ཤེས་ཉི་མ་ཤར།། ཞེ་སྡང་རྩད་གཅོད་ཕུང་རྒྱལ་གཏན་ནས་རློགས།། ང་རྒྱལ་རང་བརླག་ཕྲག་དོག་མིང་ཡང་མེད།། ཁམས་གསུམ་མི་གནས་སྟོང་གསུམ་སངས་རྒྱས་པ།། སྡུག
159a4 བསྔལ་བཞི་ཡི་རྩད་གཅོད་སྐུ་བཞི་ཡེ་ཤེས་བཞི།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། དུག་ལྔ་ཡེ་ཤེས་ལྔ་བརྡར་བསྟན་པའི་ལེའུ་སྟེ་དོན་ལྔ
159a5 པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ཆོས་ཉིད་བྱང་ཆུབ་སེམས་ཀྱི་དོན་ནི་ཇི་ལྟར་ལགས།། དེ་ནས་སྟོན་པས་འཁོར་ལ་འདི་སྐད་གསུངས།། སྣང་བ་བཀག་པས
159a6 མི་ཁེགས་འོ་ན་ཁེགས་དང་ཡ།། སེམས་ཉིད་བལྟས་པས་མི་མཐོང་འོ་ན་ལྟོས་དང་ཡ།། གཉིས་མེད་བསྒྲུབས་པས་མི་འགྲུབ་འོ་ན་སྒྲུབ་དང་ཡ།། སངས་རྒྱས་བཙལ་བས་མི་རྙེད་འོ་ན་འཚོལ་དང་ཡ།། ཤེས་ནམ་ཤེས
iiif viewer powered by OpenSeadragon
