| e-texts navigator |
| Wylie |
158b1 ལས་འདས།། འབྲས་བུ་ཡེ་ནས་ཡོད་སྨོན་ཡིད་ལས་འདས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། འདས་པ་རྣམ་བཅུ་བསྟན་པའི་ལེའུ་སྟེ་དོན
158b2 གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། གནས་ལུགས་བརྡའ་ཡི་དོན་བཤད་དུ་གསོལ།། ཞེས་ཞུས་པ་དང་། དེ་ནས་སྟོན་པས་འཁོར་ལ་འདི་སྐད
158b3 གསུངས།། ནམ་མཁའ་སྟོང་པ་དག་ལ་བསོས་ཀྱང་ཐོབ།། ནམ་མཁའ་ལ་ནི་བསོས་བཏབ་པས།། ཆུ་བོ་ཆེན་པོ་རྒྱུན་མི་འཆད།། ཆུ་བོ་རྒྱུན་ཆད་མེད་པ་ཡིས།། རྒྱལ་པོའི་དཀོར་སྲུང་པ་དང་འདྲ།། དྲན་པ་མི་འབྱུང
158b4 ཆོས་ཉིད་ཀློང་ན་གནས།། ཡེངས་ཀྱང་ཆོས་ཉིད་མ་ཡེངས་ཆོས་ཀྱི་དབྱིངས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། ཆོས་ཉིད་བརྡར་བསྟན་པའི
158b5 ལེའུ་སྟེ་དོན་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། དུག་ལྔ་སྐུ་ལྔའི་བརྡའ་ཆོས་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། མ
158b6 བསྒྲུབས་ཀུན་ཏུ་གསལ་བའི་འོད་ཁང་ན།། རྒྱལ་པོ་ལྷ་གཅིག་བཞུགས་པ་ལ།། བློན་པོ་དབང་ཆེན་མི་བཞིས་བསྐོར།། རྒྱལ་པོས་བླུན་པོ་མི་བཞི་བཏུལ།། མི་བཞི་བཏུལ་ནས་སྐུ་བཞིར་བསྒྱུར།། རྒྱལ་པོ་མི་འགྱུར
iiif viewer powered by OpenSeadragon
