| e-texts navigator |
| Wylie |
158a1 སྟེ་དོན་གཅིག་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ལྷག་མཐོང་རྣམ་དྲུག་ཇི་ལྟར་ལགས།། ལྟ་བ་ངོས་གཟུང་མེད་པས་ཕྱོགས་མེད་ལྷག་གིས
158a2 མཐོང་།། སྒོམ་པ་འགྱུར་མེད་རྟོག་མེད་ལྷག་གིས་ཤར།། སྤྱོད་པ་བྱར་མེད་སངས་རྒྱས་དགོངས་པ་ལྷག་གིས་མཐོང་།། དམ་ཚིག་བསྲུང་མེད་སྐྱོན་མེད་དགོངས་པ་ལྷག་གིས་མཐོང་།། ཕྲིན་ལས་བཙལ་མེད་བགྲོད
158a3 མེད་ལྷག་གིས་ཤར།། འབྲས་བུ་བསྒྲུབ་མེད་རེ་མེད་དོགས་མེད་ལྷག་གིས་མཐོང་།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། ལྷག་མཐོང་རྣམ་དྲུག
158a4 བསྟན་པའི་ལེའུ་སྟེ་དོན་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། འདས་པ་རྣམ་བཅུ་ཇི་ལྟར་ལགས།། ཞེས་ཞུས་པ་དང་། ཀུན་ཏུ་བཟང་པོས་འདི་སྐད
158a5 གསུངས།། ལྟ་བ་གཞུང་མེད་ཚིག་ལས་འདས།། སྒོམ་པ་བསམ་མེད་བློ་ལས་འདས།། སྤྱོད་པ་བྱར་མེད་འཁོར་བའི་ལས་ལས་འདས།། དམ་ཚིག་བསྲུང་མེད་འདའ་མེད་བསྲུང་ལས་འདས།། ཕྲིན་ལས་བཙལ་མེད
158a6 དབྱེར་མེད་ངང་ལས་འདས།། ལམ་རྣམས་མ་བགྲོད་བགྲོད་མེད་ངང་ལས་འདས།། ས་རྣམས་མ་སྦྱངས་སྦྱང་མེད་ངང་ལས་འདས།། ལུང་ནི་མ་ནོར་ཚིག་གི་ལུང་ལས་འདས།། མན་ངག་ཞེན་མེད་འཛིན་མེད་ངང
iiif viewer powered by OpenSeadragon
